Pentsatu, eztabaidatu eta ekin
Beldur Barik jarrerarekin!

beldurra



Betidanik beldur handia izan diot beldurra izateari. Beldurra ematen didaten gauzen zerrenda tinta ikusezinaz idatzi dut beti, beldurra izateak baino beldur handiagoa ematen didalako beldurra dudala esateak. Baina sinitsidazue, badago tinta ikusezinarekin zerrenda luzeak idaztea ere, eta nire beldurren zerrenda luzea da.


Beldurra diot bakarrik geratzeari. Ez dut bat gehiago izan nahi, baina ez dut bakarrik gelditu nahi . Mutila zarenean horrek esan nahi du barre egin behar duzula barre egitea tokatzen denean, norbaitek neska bati buruzko komentarioak egiten dituenean “ya te digo” batekin erantzun behar duzula, eta ez besterik. Nahiz ta komentarioak ez izan zure gustukoak: Ane apur bat puta da, Mariak titi erraldoiak dauzka, potola da ez-dakit-nor, zure ama histerika bat da, zure arreba txikia tonta da “Soy Luna” ikusten dituelako.


Gustatzen zaizkidan gauzak gustatzeak ere beldurra ematen dit. Ez zaidalako gustatzen beti gustatu beharrekoa. Futbolak askotan aspertzen nau, bestetan ez. Beldurra ematen dit pentsatze hutsak mutil bat gustatzen zaidala, edo ondo sentiarazten nauela berarekin egoteak bederen.


Beldurra ematen dit nire burua ezeren erruduntzat hartzeak. Nahiago dut pentsatu ez doala nirekin, ni ez naizela izan. Norbaitek matxismoaz edo arrazakeriaz hitz egiten didanean, nik badazpada esaten dut ni ez naizela horrelakoa, oso gaizki iruditzen zaidala gainera... Hori bai, tinta ikusezinean ondo gordeta dudan papertxo batean idatzita daukat: “bai, zu ere bazara”.


Beldurra ematen dit alboan dudana lagun bezala ulertzeak. Neskekin parez-pareko harremanak izateak, errespetuzkoak. Nahiago dut era ixilean kolaboratu gauzek antzera jarraitu dezaten, gu goian, besteak, azpian-edo. Beldurra ematen dit pentsatzeak batzuk beldurra galtzen ari direla, ez dut pentsatu ere egin nahi hemen begiak itxita nagoela, goian mantentzen gaituen eskailera dardara bizian dagoela, azpitik ostikoka ari zaizkiolako, indarrez.


Beldurra, beldurra, beldurra. Beldurra galdu behar dut beldurra dudala esateko. Esku batean beldurra hartuko dut eta bestean egoera hau aldatu behar delako konbentzimentua. Eta oinak martxan jarriko ditut, nagoen lekutik mugitzeko, eta bidean nire gizontasunarekin topo egiten dudanean, ostikadatxoa emago diot, harri koskorra bailitzan.

Esatera goazena ez da berria: Iraultza bati ekiteko beste lagun bat besterik ez duzu behar. Indarkeria sexistari aurre egiteko ere, beharrezkoa da norberak aurre egitea, baina baita ere erantzun kolektibo bat eman beharra dago. Indarkeria sexista ez da bakarrik, modu indibidual batean ematen den zerbait. Eta indarkeria sexistari aurre egiteko mobilizatu, elkartu, sareak sortu, ohikatu egin nahi dugu. Horixe da Eibarko Nalua taldekideek pentsatuko zutena? Elkarrizketa honetan beraien Beldur Barik Jarrera zein den agertzen digute.


tynho1wp


Noiz sortu zenuten taldea?



Nalua talde moduan orain  dela 2 urte eta erdi  (gutxi gora-behera) hasi zen martxan; aurreko talde feministari errelebua hartuz (Atakapa). Herri mailan, gazte ekintzaile asko zeuden eta baita emakume elkarteak ere. Baina ez zegoen, gazte feminista talderik.


Ze nolako helburuarekin? Edo ze nolako beharrizanak ikusi zenituzten taldea antolatzeko?


Orokorrean, Eibar feminismorantz bideratzeko asmoarekin. Gure herritarrak sistema matxistarekiko sentsibilizatzeko, eraso sexista ezberdinak identifikatzen ikasteko eta hauei erantzun bat emateko.


Hortaz aparte, Eibarko neska gazteei erremintak eman nahi dizkiegu (informazioa, kanpainak, eredu anitzak, kontzertuak, ahalduntzeko ikastaroak…) euren bizitza modu autonomo eta libre batean eraikitzeko, hau da azken finean feminismoaren helburu nagusienetariko bat.





Nola egiten diozue zuek aurre indarkeria sexistari?


Bide ezberdinak erabiltzen ditugu (gure energia mailaren arabera, noski)

Orain adibidez, azaroaren 25erako kanpaina bat martxan jarri dugu: Plaza Bete Zapata lelopean. Honen bidez, emakumeok egunero gure azalean bizi ditugun eraso mota ezberdinak plazaratu eta ikustarazi nahi ditugu.


Beste alde batetik, ikastaroak eta  barne formakuntzak antolatzen ditugu.


Askotan feministak haserre eta protestan irudikatzen gaituzte eta irudi kolektibo horren aurrean, erakutsi nahi dugu borroka egiteko beharrezkoa dela festa, umorea, musika, dantza, alaitasuna... Hori dela eta, otsaila aldera jaialditxo bat prestatzen hasi gara.


Eta azkenik, azpimarratu nahi dugu Sare Sozialen garrantzia. Azaro hasieran Facebokean 900 jarraitzaile lortu genituen! Momentu honetan primerako baliabideak dira gure ekintzen berri emateko eta guk ere kolektibo feminista ezberdinen berri jasotzeko.


15016217_1336583863019814_8232987377275863924_o 15016354_1336583876353146_6861948509730527138_o 15039668_1336583883019812_8530304547884061069_o



Nalua taldearen Plaza Bete Zapata kanpaina. Gehiago ezagutzeko, jo beraien Facebook perfilera (sakatu hemen)


Zergaitik uste duzue neska gazteak antolatu behar direla?


Sistema Heteropatrialkalaren estrategia bat da erakustea neskak gure artean arerioak garela. Honen aurrean, gure erantzuna bateratua izan behar da, elkarrekin indar gehiago daukagulako. Talde feminista bateko kidea izatea plazer handia da. Hain zuzen ere, gure beldurrak, bizipenak, hausnarketan elkarbanatzeko gune seguru bat delako; generoan oinarritzen den botore harremanik gabe.




Zer esango zenioketen beste neska gazteei?

Alde batetik, batzeko eta euren artean zaintzeko (ez da zertan talde feminista batean izan behar) eta bestetik erreferente  anitzak eta ezberdinak bilatzeko.


Eta mutil gazteei?


Euren espazioak sortzeko poliki-poliki (ez gureetan sartzea) dakaten botere eta  pribiligioen inguruan hausnartzeko.



Nalua taldearen " 11 emakume, 11 bizipen, borroka 1" dokumentala




Zein da zuen mezua?


Momentu honetan, Euskal Herriko Mugimendu Feminista indartsu dago eta ezinbestekoa da gure artean sare potente bat sortzea. Berdintasunari dagokionez, beharbada arlo “teorikoan” lorpenak eman dira, baina egunerokotasunean eta praktikan, oraindik bide luze bat daukagu aurretik. Indartsu eta ilusioz beteta gaude eta espero dugu horrela jarraitzea.




Zein izan da Beldur Barik bezalako programa batean parte hartzearen aportazioa?


Gure azken bi urteei omenaldia izan da guretzako. Orain arte egindako lana eta ekintzak laburbiltzen dituen bideoa da. Eta eskerrak eman nahi dizkiegu izan ditugun Bidelagunei.



Hona hemen Beldur Barik Lehiaketa 2016ean aurkeztu duten bideoa


Eibar feminista izango da... ala ez da izango! Mila esker Naluako taldekideei beraien Beldur Barik Jarrera zabaltzeagatik! Jarraitu dezagun indakeria sexistari aurre egiten, jarraitu gaitezen elkartzen, sareak egiten, hausnartzen, zaintzen... Jarraitu sistema heteropatriarkalari erantzuten. Heldu feminismoari eta gozatu bidaia. Hori bai...

Ezin badut dantza, alaitasuna, umorea, festa, musikaz... disfrutatu.... ez da gure iraultza!



 

Guardar

Guardar

Guardar

Orain dela urte asko ezaguna izan zen lehiaketa batetan egongo bagina bezala… “Indarkeria sexista, kultura matxistaren irudikapenak egunerokotasunean. Adibidez, izendatua ez izatea bertan egonda. Bat, bi, hiru… berriro erantzutera”.


Pixkanaka bagoaz sistema heteropatriarkalak saldu digun trukoa zein den ikusten. Sistema honek, kultura matxista honek gizonei pribilegio batzuk eman dizkio. Zeintzuk dira pribilegio hoiek? Etxerako bueltan beldurrik ez izatea, independienteagoa aurresuposatzea, independentzia gehiago ematea, autoestima zendotzea, espazio publikoan askeago mugitzea... Pribilegio hauen oinarria emakumeen gutxiezpenean datza, eta horrela, desberdinak diren harremanak ematen dira. Eta botere banaketa ezberdin hori mantentzeko, sistema hau hain da bihurria, ideia, sinesmen, balore batzuk ezartzen dituela. Ideia hoiek zeintzuk diren, edo hoietako batzuk zeintzuk diren, jakingo duzue honezkero.


Eta trukoa ulertzen goazela esaten dugu. Baietz! BAgoazela pixkanaka bide horretan! Jakin badakigulako normaltasuna, hala izan behar delaren itzalpean justifikatu diren ideia eta sinismen asko aldatu daitezkeelako. Buelta eman. Goazen burmuinak dantzan jartzera. Eta bakarrik egin dezaket dantzan, eta ondo, gustora gainera. Baina honelakotan, besteen laguntza nahi dut. Ondo ikusi dugu Beldur Barik Lehiaketara bidali dituzuen lanetan jakin badakizuela guztion artean egin beharreko gauza dela. Guztionak erantzunkizuna.


Beraz, hilabete honetan indarkeria sexistari aurre egiteko hainbat ekintza kolektiboak ezagutu nahi ditugu zuekin batera. Edota indarkeria sexistari modu kolektibo batean aurre egiteko esperientzia ezberdinak. Neska zein mutil izan. Guztiok bait dugu erantzunkizun bat. Ezin dugu paso egin. Ez dira txantxak. Es dira tontakeria. Mikromatxismoak gogoratzen al dituzue?


Indarkeria sexistari ere umorea, musikarekin ere egin diezaiokegu aurre…



Talde feministen eskutik ezagutuko dugu nola aurre egin indarkeria sexistari. Nola sistema eraldatu.


Eta lehen esaten genizuen moduan, guztiok gara konplize indarkeria sexista egoeren aurrean erantzuten ez badugu, mugitzen ez bagara, aurre egiten ez badiegu, zutitzen ez bagara. Zutitu bakarrik ez, ikasitakoa desikasi behar dugu, zaintzen ikasi behar dugu, baina benetan zaindu.


Azaroan ekintza, aldarrikapen, manifestazio… asko antolatzen dira Azaroak 25aren inguruan, Emakumeenganako Indarkeriaren Aurkako Nazioarteko Egunean. Ekintza guzti hauen berri ematen saiatuko gara. Eta baten bat ezagutzen baduzue, mesedez, bidali email bat komunikazioa@beldurbarik.org helbidera.


Indarkeria sexistaren aurrean... ERANTZUN KOLEKTIBO ZUZENA!

Jakingo duzuenez, aurtengo Beldur Barik Lehiaketaren Topaketa Uribe-Kostan (Urduliz udalerrian) ospatuko dugu, azaroaren 26an. Bertako gazteak Beldur Barik Jarrera lantzen ari dira hilabete guzti hauetan, baita surfaren bitartez ere. Bertako Peña Atxuri surf eskolaren bitartez surfean gertatzen diren ezberdintasun eta diskriminazio egoerak aztertu dituzte.


Izan ere, hainbat kiroletan gertatzen den bezalaxe,emakumeek oztopo ugari dituzte beraien jarduna aukera berdinekin garatu ahal izateko. Surfean ere ez da modu berean baloratzen emakumeen jarduna: lehiaketa askotan emakumeek ez dute lehiatzeko espaziorik, eta sariek gizonezkoek irabazten duten balioaren erdia dute; emakumeen gorputza hipersexualizatzen da iragarki helburuekin erabiltzen delako eta kanon estetiko batzuk betetzen ez dituzten emakumeek arazoak izaten dituzte diru-laguntzaileak (sponsorrak) aurkitzeko. Egoera guzti horiek ikusita, irailaren 26an Surfakostean egin genuen photocallarekin gure Beldur Barik Jarrera erakutsi nahi izan genuen.


whatsapp-image-2016-09-24-at-14-44-25 whatsapp-image-2016-09-24-at-14-44-19 whatsapp-image-2016-09-24-at-14-16-29

 

 

 

 

 

 

 

 

 

 

 

whatsapp-image-2016-09-24-at-14-15-342whatsapp-image-2016-09-24-at-14-15-41

whatsapp-image-2016-09-24-at-14-15-45whatsapp-image-2016-09-24-at-14-15-34

whatsapp-image-2016-09-24-at-14-15-44whatsapp-image-2016-09-24-at-14-15-38

whatsapp-image-2016-09-24-at-14-15-26whatsapp-image-2016-09-24-at-14-15-443

 

Hala eta guztiz ere, emakumeek beraien Beldur Barik Jarrera erakutsi izan dute esparru honetan ere. Emakumeak aspaldi hasi ziren surfeatzen “Women and waves” bideoan azaltzen den bezalaxe:



Surfeatzeaz gain, emakumeen eskubideen alde jokatzen duten hainbat adibide daude. Cori Schumacher longboard estiloko mundu mailako txapelduna izateaz gain (hiru alditan), giza eskubideen aldeko ekintzailea da. 2007an The Inspire Initiative sortzen lagundu zuen, surfean adin guztietako emakumeen parte hartzea bermatzeko erakundea feminismoa, hezkuntza eta ingurugiroa bezalako gaiak txertatuta. Oso ezaguna bilakatu da, baita ere, ROXY-ren aurka egiteagatik. Izan ere, marka horrek emakumeak erabiltzen ditu modu hipersexualizatu batean, irudia eta estetika kirol lorpenen gainetik jarriz. Ondorioz, emakumeen surfaren inguruko irudikapen faltsuan eragiten dute. Honako bideo honekin ekintzaile handi honen bizitza ezagutu ahal izango duzu:




Mona Seraji eta Shahla Yasini lehen emakumeak izan dira Iranen surfeatzen, eta beraien ezagutzak elkarbanatzen ari dira, geroz eta emakume gehiagok surfeatu dezaten beraien lurraldean. Ezagutu ezazu “We surf in Iran”.


Oztopen eta zailtasunen gainetik, erakutsi zure Beldur Barik Jarrera olatuen gainean!


Guardar

Guardar

Guardar

Guardar

Guardar

Guardar

Bale, badakit aspaldiko filma dela... baina abuztua aprobetsatu dut berriro saga guztia ikusteko... Hondartzara joatea primeran dago, baina goizetan ezer egiterik ez izatea ere ondo dago... gure tartea ere edukitzea garrantzitsua delako. Gurean pentsatzeko eta gure gauzak ere hausnartzeko, irakurtzeko, pelikularen bat ikusteko... Beno, sarrera guzti hau  “Los juegos del hambre” saga ikusi dudala berriro esateko. Igual aspertu naiz hainbeste gorputz perfektuekin, igual aspertu naiz neskek pelikuletan duten ereduekin, igual aspertu naiz beti mutilak liderrak diren irudiarekin.


Egia esanda, amaiera ez zitzaidan asko gustatu... ups! Ez noa orain spoiler-a egitera... Ikusi ez baduzue (jende gutxi izango zarete) ikusteko gonbitea luzatu nahi dizuegu. Eta zu ere nesken eta mutilen eredu estereotipatuekin aspertu bazara, post honen amaieran pelikula feministak biltzen dituen web gune bat aurkituko duzue.



Fiuuu fiuuu fiuuuu (saiatu naiz... sinsajoraren soinua egiten, lortu al dut?) Katniss Everdeen, ohikoa ez den akzio pelikuletako protagonista. Nolakoak izango dira akzio pelikuletan agertzen diren neskak? Bi taldetan banatu ditzazkegu, alde batetik, erabat sexualizatuak dauden neskak, beraien arma askotan beraien gorputza delarik. Eta beste alde batetik, sexualizatuak ez badira... berez maskulinoak diren armak ematen zaizkie, mendeku nahiez beteak, botere grinaz itsutuak... Beno, ba Katniss ez da horrelakoa. Katniss borrokalari bat da, baina baita ahizpa, laguna... Eta gainera ez du batere interesik maitasun harreman batekin. Hor dago Gale, gustokoa duena, baina ez du inolako konpromesurik nahi. Eta hor dago ere Peeta ere. Katniss-ek badaki oso ondo zeintzuk diren “maitasun erromantikoaren” kodigoak, eta ondo erabiltzen ditu, bere onurako baino gehiago, bizirauteko!


Katniss-ek familiaren betebeharrak bere gain hartzen ditu (esan dezakegu aita-ren papera hartzen duela, hau da, mutilen papera), ez zaio maitasuna interesatzen eta araututa dagoen feminitatean ez da erortzen... Horregaitik gustatzen zaigu Katniss. Eta borrokan berarekin aurrera egiteko gogoak sartzen zaizkigu (beno, gero jokuak ikusten ditugunean ez hainbeste...). Katniss neska indartsua da, genero ereduekin apurtzen duena, maitasun erromantikoan erortzen ez dena, edertasun ereduekin bat egiten ez duena... Beldur Barik Jarrera duen neska da!


Pelikula ikusi duzue? Zer pentsatzen duzue guzti honen inguruan? Kritika ere egin dezakegu... niretzako pelikula gauza askorekin apurtzen du, baina heteroaraua ez da haietako bat... neska-mutila harremanak al dira guztiak etorkizun batean dauden harreman bakarrak? Eta lehen esan dizuedan amaiera ere... zer pentsatzen duzue guzti honen inguruan?

Laburbilduz, esan dezakegu Los juegos del hambre Beldur Barik jarrera isladatzen dutela. Baina baita, Bechdel test-a gainditzen dutela ere! Zer den Bechdel test-a? Hiru arau bete behar ditu pelikula batek test hau gainditzeko.

  1. Gutxienez bi neska agertu behar dira.

  2. Beraien artean hitz egin behar dute.

  3. Mutilekin zerikusirik ez duten gaien inguruan.


Alison-Bechdel-Rule-Dykes-Watch_EDIIMA20160223_0585_1

Test hau gainditzen duten pelikula gehiago ikusi nahi badituzu… hona hemen Peliculas feministas web gunea (Hemen sakatu).

Egunerokotasunean sortzen dira/ditugu erreferenteak, pelikuletan, telebistan, kiroletan… Erreferente positiboak behar ditugu, bai kirolean, bai oholtza gainean, bai irakurtzera goazenean... Beldur Barik Jarrera duten pelikula, kirolak, gorputzak nahi ditugu!


 

Guardar

Eraldatu dezagun batera! Email bat jasoko duzu hileko berriak biltzen dituen boletinarekin. Izan zaitez lehena, guztiaz enteratzen!

Jarraitu gaitzazu
Sare Sozialetan!

Facebook Twitter RSS YouTube Instagram Telegram Spotify