Pentsatu, eztabaidatu eta ekin
Beldur Barik jarrerarekin!

beldurra



Betidanik beldur handia izan diot beldurra izateari. Beldurra ematen didaten gauzen zerrenda tinta ikusezinaz idatzi dut beti, beldurra izateak baino beldur handiagoa ematen didalako beldurra dudala esateak. Baina sinitsidazue, badago tinta ikusezinarekin zerrenda luzeak idaztea ere, eta nire beldurren zerrenda luzea da.


Beldurra diot bakarrik geratzeari. Ez dut bat gehiago izan nahi, baina ez dut bakarrik gelditu nahi . Mutila zarenean horrek esan nahi du barre egin behar duzula barre egitea tokatzen denean, norbaitek neska bati buruzko komentarioak egiten dituenean “ya te digo” batekin erantzun behar duzula, eta ez besterik. Nahiz ta komentarioak ez izan zure gustukoak: Ane apur bat puta da, Mariak titi erraldoiak dauzka, potola da ez-dakit-nor, zure ama histerika bat da, zure arreba txikia tonta da “Soy Luna” ikusten dituelako.


Gustatzen zaizkidan gauzak gustatzeak ere beldurra ematen dit. Ez zaidalako gustatzen beti gustatu beharrekoa. Futbolak askotan aspertzen nau, bestetan ez. Beldurra ematen dit pentsatze hutsak mutil bat gustatzen zaidala, edo ondo sentiarazten nauela berarekin egoteak bederen.


Beldurra ematen dit nire burua ezeren erruduntzat hartzeak. Nahiago dut pentsatu ez doala nirekin, ni ez naizela izan. Norbaitek matxismoaz edo arrazakeriaz hitz egiten didanean, nik badazpada esaten dut ni ez naizela horrelakoa, oso gaizki iruditzen zaidala gainera... Hori bai, tinta ikusezinean ondo gordeta dudan papertxo batean idatzita daukat: “bai, zu ere bazara”.


Beldurra ematen dit alboan dudana lagun bezala ulertzeak. Neskekin parez-pareko harremanak izateak, errespetuzkoak. Nahiago dut era ixilean kolaboratu gauzek antzera jarraitu dezaten, gu goian, besteak, azpian-edo. Beldurra ematen dit pentsatzeak batzuk beldurra galtzen ari direla, ez dut pentsatu ere egin nahi hemen begiak itxita nagoela, goian mantentzen gaituen eskailera dardara bizian dagoela, azpitik ostikoka ari zaizkiolako, indarrez.


Beldurra, beldurra, beldurra. Beldurra galdu behar dut beldurra dudala esateko. Esku batean beldurra hartuko dut eta bestean egoera hau aldatu behar delako konbentzimentua. Eta oinak martxan jarriko ditut, nagoen lekutik mugitzeko, eta bidean nire gizontasunarekin topo egiten dudanean, ostikadatxoa emago diot, harri koskorra bailitzan.

Datorren ostiralean, azaroak 25 Emakumeengako Indarkeriaren Aurkako Nazioarteko Eguna da.


Egun garrantzitsua da kalera ateratzeko eta ozen oihukatzeko ez dugula emakumenganako indarkeriarik onartzen. Emakumeen taldeek, talde feministek eta instituzioek hainbat ekintza antolatzen dituzte indarkeria sexistaren inguruan sentsibilizatzeko eta kontzientziatzeko.


Egun honetan ere, beste askotan bezala, kalera ateratzen gara indarkeria sexistari aurre egiteko. Pankarta atzean izan daiteke, tailer batean, hitzaldi batean, gure lagun artean... Eta iaz genion bezala, gaur da gure ahotsak, egindako lanak elkartzeko eguna.


Baina zergaitik ospatzen da Azaroaren 25a?

Ez dator gaizki jakitea zergaitik ospatzen diren egunak. Zergaitik martxoaren 8a, zergaitik Ekainaren 28a... Zergaitik orduan Azaroaren 25a? Karibeko eta Hegoamerikako 1. topaketa feministak 1981ean Bogotan (Colombia) burutu ziren eta horietan azaroaren 25a Emakumearekiko Indarkeriaren kontrako Nazioarteko eguna izendatu zen. Egun hori Mirabal ahizpen hilketa oroitzeko aukeratu zen. Mirabal ahizpak Dominikar Errepublikako hiru ekintzaile politiko izan ziren eta 1960ko azaroaren 25ean Rafael Trujillo diktadorearen poliziak bortizki hil zituen. Urte horretatik aurrera, emakumeen talde eta mugimendu feminitak data hori hartu zuten emakumeenganako indarkeria sexistaren aurkako eguna bezala. Azkenean, 1999. urtean Nazio Batuen Erakundeak “Emakumeen kontrako bortizkeria ezabatzeko Nazioarteko Eguna” izendatu zuen. 


Post honetan zuen herrietan Azaroak 25a dela eta, udalek antolatu dituzten ekintza desberdinen inguruko informazioa luzatu nahi dizuegu, ekintzetan parte hartzeko, bertara hurbiltzeko eta indarkeria sexistaren aurrean gure Beldur Barik Jarrera agertu eta zabaltzeko!

ARRIGORRIAGA


kartela_lila

 

EIBAR


 

25-noviembre-behin-betikoa

ORTUELLA


 

cartel

 

 TOLOSA


beldur barik pantone


 

TXORIERRI


txorierri

MUNGIA


25ncartel2016


IURRETA


adierazpenak-bilingue

kartela

lilapuntua

IRUN


Azaroak 23 Asteazkena

17:00 Hitzaldia "Violencia de género en el siglo XXI" Yolanda Cervero psikologoarekin, Argoiak elkartearen egoitzan, Bertsolari Uztapide 6.

Azaroak 24 Osteguna

19:00 "La violencia invisible" hitzaldia  Julia Romero eta Xabier Coca-rekin, Oiaasso Museo. Antolatzaileak: Gaurko Andreak elkartea.

Azaroak 25 Ostirala


17:00 Beldur Barik serigrafia tailerra,  Martindozenea Gaztelekuan, Avenida Elizatxo 18.

19.00  "No más violencia conra las mujeres" lemapean konzentrazioa, Plaza del ensanche. Antolatzaileak: Irungo udaletxea eta emakumeen elkarte eta talde feministak.

Azaroak 27 Igandea

18.00 Indarkeria matxiaren aurkako dantza ikuskizuna Pauso-k Dance Studioren eskutik, Centro Cultural Amaia, doako sarrera. Antolatzaileak: Pauso-k  y Irungo Udaletxea.

Irungo Beldur Barik Lehiaketaren irabazleak zeintzuk diren ezagutuko ditugu

Abenduak 1 osteguna


19.00 "Violencia filioparental y violencia de género" hitzaldia  Javier Urra Portillo-rekin, centro cultural Amaia. Antolatzaileak: Foro Ciudadano.

19.00 Proyección del documental " El síndrome del vinagre" dokumentalaren proiekzioa. Museo Oiasso. Antolatzailea: Mugen Ganetik.

Abenduak 12 astelehena


17:30 "Carol" Zineforuma-a. Antolatzailea: Asociación Uxoa, avenida de Gipuzkoa 12.

 

Erasoen aurrean... Beldur Barik Jarrera!


Guardar

Guardar

Guardar

Esatera goazena ez da berria: Iraultza bati ekiteko beste lagun bat besterik ez duzu behar. Indarkeria sexistari aurre egiteko ere, beharrezkoa da norberak aurre egitea, baina baita ere erantzun kolektibo bat eman beharra dago. Indarkeria sexista ez da bakarrik, modu indibidual batean ematen den zerbait. Eta indarkeria sexistari aurre egiteko mobilizatu, elkartu, sareak sortu, ohikatu egin nahi dugu. Horixe da Eibarko Nalua taldekideek pentsatuko zutena? Elkarrizketa honetan beraien Beldur Barik Jarrera zein den agertzen digute.


tynho1wp


Noiz sortu zenuten taldea?



Nalua talde moduan orain  dela 2 urte eta erdi  (gutxi gora-behera) hasi zen martxan; aurreko talde feministari errelebua hartuz (Atakapa). Herri mailan, gazte ekintzaile asko zeuden eta baita emakume elkarteak ere. Baina ez zegoen, gazte feminista talderik.


Ze nolako helburuarekin? Edo ze nolako beharrizanak ikusi zenituzten taldea antolatzeko?


Orokorrean, Eibar feminismorantz bideratzeko asmoarekin. Gure herritarrak sistema matxistarekiko sentsibilizatzeko, eraso sexista ezberdinak identifikatzen ikasteko eta hauei erantzun bat emateko.


Hortaz aparte, Eibarko neska gazteei erremintak eman nahi dizkiegu (informazioa, kanpainak, eredu anitzak, kontzertuak, ahalduntzeko ikastaroak…) euren bizitza modu autonomo eta libre batean eraikitzeko, hau da azken finean feminismoaren helburu nagusienetariko bat.





Nola egiten diozue zuek aurre indarkeria sexistari?


Bide ezberdinak erabiltzen ditugu (gure energia mailaren arabera, noski)

Orain adibidez, azaroaren 25erako kanpaina bat martxan jarri dugu: Plaza Bete Zapata lelopean. Honen bidez, emakumeok egunero gure azalean bizi ditugun eraso mota ezberdinak plazaratu eta ikustarazi nahi ditugu.


Beste alde batetik, ikastaroak eta  barne formakuntzak antolatzen ditugu.


Askotan feministak haserre eta protestan irudikatzen gaituzte eta irudi kolektibo horren aurrean, erakutsi nahi dugu borroka egiteko beharrezkoa dela festa, umorea, musika, dantza, alaitasuna... Hori dela eta, otsaila aldera jaialditxo bat prestatzen hasi gara.


Eta azkenik, azpimarratu nahi dugu Sare Sozialen garrantzia. Azaro hasieran Facebokean 900 jarraitzaile lortu genituen! Momentu honetan primerako baliabideak dira gure ekintzen berri emateko eta guk ere kolektibo feminista ezberdinen berri jasotzeko.


15016217_1336583863019814_8232987377275863924_o 15016354_1336583876353146_6861948509730527138_o 15039668_1336583883019812_8530304547884061069_o



Nalua taldearen Plaza Bete Zapata kanpaina. Gehiago ezagutzeko, jo beraien Facebook perfilera (sakatu hemen)


Zergaitik uste duzue neska gazteak antolatu behar direla?


Sistema Heteropatrialkalaren estrategia bat da erakustea neskak gure artean arerioak garela. Honen aurrean, gure erantzuna bateratua izan behar da, elkarrekin indar gehiago daukagulako. Talde feminista bateko kidea izatea plazer handia da. Hain zuzen ere, gure beldurrak, bizipenak, hausnarketan elkarbanatzeko gune seguru bat delako; generoan oinarritzen den botore harremanik gabe.




Zer esango zenioketen beste neska gazteei?

Alde batetik, batzeko eta euren artean zaintzeko (ez da zertan talde feminista batean izan behar) eta bestetik erreferente  anitzak eta ezberdinak bilatzeko.


Eta mutil gazteei?


Euren espazioak sortzeko poliki-poliki (ez gureetan sartzea) dakaten botere eta  pribiligioen inguruan hausnartzeko.



Nalua taldearen " 11 emakume, 11 bizipen, borroka 1" dokumentala




Zein da zuen mezua?


Momentu honetan, Euskal Herriko Mugimendu Feminista indartsu dago eta ezinbestekoa da gure artean sare potente bat sortzea. Berdintasunari dagokionez, beharbada arlo “teorikoan” lorpenak eman dira, baina egunerokotasunean eta praktikan, oraindik bide luze bat daukagu aurretik. Indartsu eta ilusioz beteta gaude eta espero dugu horrela jarraitzea.




Zein izan da Beldur Barik bezalako programa batean parte hartzearen aportazioa?


Gure azken bi urteei omenaldia izan da guretzako. Orain arte egindako lana eta ekintzak laburbiltzen dituen bideoa da. Eta eskerrak eman nahi dizkiegu izan ditugun Bidelagunei.



Hona hemen Beldur Barik Lehiaketa 2016ean aurkeztu duten bideoa


Eibar feminista izango da... ala ez da izango! Mila esker Naluako taldekideei beraien Beldur Barik Jarrera zabaltzeagatik! Jarraitu dezagun indakeria sexistari aurre egiten, jarraitu gaitezen elkartzen, sareak egiten, hausnartzen, zaintzen... Jarraitu sistema heteropatriarkalari erantzuten. Heldu feminismoari eta gozatu bidaia. Hori bai...

Ezin badut dantza, alaitasuna, umorea, festa, musikaz... disfrutatu.... ez da gure iraultza!



 

Guardar

Guardar

Guardar

18 urtetik gorako neska bazara, zure konfidantza garatu nahi baduzu, biktima papera baztertu eta egoera arriskutsuei aurre egin, ezin duzu galdu Amorebietan antolatu den Autodefentsa feminista tailerra.


autodefentsa


Noiz?


Azaroaren 19an

Ordutegia

10:00 -14:00

16:00 – 20:00

Lekua

Zelaieta

Harremana eta informazioa

mcordoba@amorebieta.net

 

Eraso sexisten aurrean... autodefentsa feminista!!!

zerbait-egin


Lagun batekin hizketan ari ginen joan den egunean. Beldur Barikekoak etorri ziren aurrekoan gaztelekura, indarkeria matxistari buruz hitz egitera, betiko kontua. Jendeak pentsatuko du ez dugula gai honen inguruan nahikoa hitz egiten, baina sinetsidazue, azkenaldian asko hitz egiten dugu. Institutura etorri zirenean tailerra egitera, ez-dakit-zenbat-ordu ibili ginen gaiarekin gora eta behera. Gero inglesekoak esan zigun horri buruzko idazlana egiteko. Orain gaztelekuan ere, buelta eta buelta gaiari.


Badakit gai larria dela eta hori dena, gertatzen dena ez dela makala, baina jope, etengabe horri buruz hitz egiten egotea ere... Zer gaude, obsesionatuta? Emakumeek egunero bizi dituztela indarkeria ezberdin ugari, fisikoa bai, hori ezagunena, baina gero psikologikoa, eguneroko bazterketa, ekonomikoa, kultura mundukoa... Eta bai, ados nago, baina azken finean zer egin dezaket nik, mutil batek, honen inguruan? Etengabe esaten digute “zerbait egin behar dela”, baina zer ordea?


Egiten duguna egiten dugula, ez da inoiz nahikoa. “Nonbaitetik hasi behar da”, esan dit lagunak. Zerbait gertatzen denean ziztu bizian erasotzailearen kontra bagoaz matxote batzuk bezala portatzen garela esaten diguzue, horrela ez dugula laguntzen. “Gertatzen dena da zerbait egitea ez dela norbaiten kontra bat-batean egitea, baizik eta besteokin kontatzea denon artean zerbait egiteko, bakoitzak bere ardurak onartuz”. Ematen du ezin dugula ezer egin mutilok mutil bezala. “Mutila izatea arazoaren parte da, eta artalde (edo otso talde) horretatik urruntzen jakin behar dugu, beste era batera pentsatzen”. Jope, baina orduan zer egingo dut? “Ba ez dakit zer egingo dugun, baina pentsatu zerbait egitea ez dela zuk nahi duzuna egitea, zerbait egitea gauza asko izan daitezke”.


Pentsakor geratu naiz, “hurrengoan agian ez dut ezer egingo”, bururatu zait. Baina ez, badakit ez dela posible ezer ez egitea.


Guardar

Guardar

Eraldatu dezagun batera! Email bat jasoko duzu hileko berriak biltzen dituen boletinarekin. Izan zaitez lehena, guztiaz enteratzen!

Jarraitu gaitzazu
Sare Sozialetan!

Facebook Twitter RSS YouTube Instagram Telegram Spotify