Pentsatu, eztabaidatu eta ekin
Beldur Barik jarrerarekin!
Feminismoetaz eztabaidatzen hilabete bat betetzera goaz. Eta feminismoetaz hausnartzen urteak ere eman ditugu. Orain dela urte batzuk feminismoari buruz hitzegiterakoan, hitz bat askotan entzun dugu: ertza, bazterra, arrakala… Ez al duzue entzun ertzetatik ere feminismoak eraikitzen direla? Bazterretan egiteko ematen diren moduak kontutan hartu behar direla? Arrakaletan begiratu behar dugula ere, feminismoa ez delako bakarra bat, ez delako txuriek bakarrik egiten dutena, heterosexuala edo mendebaldekoa. Horrela baita kultura menderatzailea. Esan dugun bezala txuria, heterosexuala eta mendebaldekoa. Eta hortik ateratzen den guztia, ertzetan aurkitu dezakegun guztia, “beste zera hori” deritzoguna edo deritzotena askotan, diskriminazioa jasaten du. Eta existitzen ez den bezala ikusia da. Eta askotan esan dugun bezala, izendatua ez dena, ez da existitzen.

logo-feminismogitano

Herri ijitua ertz hoietatik sortutako herrietako bat da. Asteburu honetan Carmen Cortés Amador Euskaditik izan dugu hitzaldi bat ematen. Eta honako hau planteatzen zuen hitzaldiaren hasieran: ezagutzen al duzue herri ijituaren historioa? Berdina galdetu nahi dizuegu. Ezagutzen al duzue herri ijituaren historioa? Feminismoetaz eztabaidatzerako orduan askotan hurrengoa entzun dugu edo memeren baten bat ikusi dugu “feminismoetaz hitzegin behar badugu, behintzak wikipedian begiratu zer den”. Ezagutu. Beldur Barik leloari ezagupena ere gainetzi beharko genioke: Ezagutu, pentsatu, eztabaidatu eta ekin.

Barkatu! Berbetan hasten gara eta ez dugu amaitzen. Ez goaz hemen historia osoa kontatzera… hemen duzue laburpentxo txiki bat. Baina jakin ezazue Indian jatorria duen herri bat dela, herri zapaldua, oraindik zapalkuntza hori jasartzen duena, beraien aurka legeak egin direla, estereotipoz jozia jarraitzen duena (bere baitan matxismoa dagoela, kultura matxista bat dela, emakumeak gixajo batzuk direla, ez dakitela zer nahi duten, folklorikoak direla…) eta abar.

218916-656-302"Yo no soy Trapacera" kanpaina


Goazen sekretu bat argitzera. Bai, hementxe eta orain. Matxismoa kultura eta gizarte-klase guztietan ematen da. Beno, igual baten batean ez… baina zuek ezagutzen al duzue? Beraz, matxismoa edonon aurkitu dezakegu, eta bai herri ijituan bai herri “payo”an aurkitu dezakegu ere.

mascalidad6sinruedahttp://insumisasgitanas.blogspot.com.es/ ateratako irudia


Guzti hau zergaitik esaten dugu? Askotan emakume ijitu bat feminista bezala izendatzen denean, harridura sortzen duelako, ez bakarrik herri ijituaren barruan, baizik eta beste feminista batzuetan ere. Eta feminismoetaz hitzegin behar dugu, inklusiboa den feminismoari buruz hitzegin behar dugu. Baliteke xede horretatik urrun gelditzea, hots, femismo ijitu eta “payo”a den feminismo bati buruz hemen eta orain hitzegin beharra dagoela, edota feminista eta feminista ijituei buruz hitzegitearen beharra izatea. Emakume ijituak beraien beharrizanak dituztelako, bere ibilbidea egin behar dutelako, ijituak diren emakumeak, ijitua ez den feminismoaren tutelarik gabe, baina elkarrekin lan egiteko xedearekin. Emakume ijituek ikusten dituztelako ere feminismoak lortutako garaipen guztiak, baina garaipen guzti hauetan ez dira emakume ijituen errealiteateak sartzen. Zergaitik? Noizbait pentsatu duzue? Zergaitik lorpen hauek hain garrantzitsuak izanda ere, ez dira talde hauetan ematen? Horrela utziko dugu galdera, irekita. Eztabaidatzeko tartea ireki nahi dugulako.

Emakume ijitua feminista bezala izendatzen duenean bere burua, sekulako haustura egiten du gizarteak emakume ijitu bat nolakoa izan behar duen pentsamoldearekin. Lehen aipatu dugun bezala, emakume ijituak estereotipoz josiaz daude. Herri ijituak erreferenteak behar ditu honetan baita ere. Lesbiana bezala izendatzerakoan, politikan, artean… Hortxe ditugu estereotipoekin hautsi duten ijituak: Carmen Montes, Falete, Gitanas Feministas por la diversidad, Alba Flores…

Eta emakume ijituen talde feminista bat ekarri nahi dugu hona: “Asociación Feministas gitanas por la diversidad” . Hartu irakurtzeko eta bideoa ikusteko tartea. “Jojoi”puntan jartzen zaigulako.

Hemen duzue Pikaran argitaratutako elkarrizketa eder hau.

http://www.pikaramagazine.com/2014/10/las-gitanas-feministas-nos-estamos-organizando-para-dejar-de-ser-islas/

Eta hona hemen “Sin miedo a la libertad” bideoa:



Amaitzear gaude post-a, baina denbora baduzue entzun Sangre Fucsia-k Emakume ijituei buruzko programa…

https://sangrefucsia.wordpress.com/2014/12/12/sangre-fucsia-61-feminismos-gitanos/

Bukatzeko, elkarkidea den Noelia Heredia-ren hitzekin bukatu nahi dugu post hau: “Emakume ijituak kolpe bat eman dugu mahai eta aski da! esan dugu. Aski jendeak emakume ijituak nolakoak izan behar garena esaten duenari. Aski ijituak emakume ijituak nolakoak izan behar garen diotenari. Niri ez dit inork esango ser izan behar dudan”

Post honen ondoren, ezagutzen al duzue gehiago herri ijitua? Eta emakume ijitu feministak daudela ikusi dugu. Garrantzitsua ertzetara begiratzea da, han pil-pilean bait daude feminismoz jositako mezuak, estrategiak… goazen ertzak ezagutzera eta hortik pentsatu, eztabaidatu eta ekinera!


 

 

 


Oraingo honetan zenbait estereotipo deuseztatzera gatoz. Bereziki hurrengo hauek: batetik, ezinezkoa dela islamiarra den feminismo bat; eta, bestetik, islam-a praktikatzen duten neskak, gixajo batzuk direla, zapalduak direla, erabakitze aukerarik gabekoak…

feminismo-islam

Feminismo islamikoa existitzen al da?

Noski baietz! Gizarteak, kulturak eta bizitzeko moduak anitzak dira, eta honekin batera emakumeon beharrizanak interesak eta eskaerak ere bai. Horregaitik ezin daiteke feminismoari buruz hitz egin, baizik eta feminismoei buruz. Gaur egun, neskak bizi garen testuinguru kulturalak oso ezberdinak dira eta, beraz, joera ezberdinak sortu eta garatu dira: feminismo radikala, anarkofeminismoa, feminismo ekologikoa, feminismo lesbikoa, ezberdintasunaren feminismoa… eta guzti horiekin batera, feminismo islamikoa.

Feminismo islamikoa emakume islamikoen eskubideen aldeko protesta eta berritze mugimendu bat da. Feminismo islamikoarekin emakume islamiarrak, mendebaldekoak bezala, diskriminazio eta zapalkuntza egoera batetik abiatzen direla onartzen dute; horregaitik, emakume feministak eta emakume musulmanen beharrizanak argitzera emanez egiten diote aurre zapalkuntza egoera horri.

Beraz, galdera orokor bat… emakumeak zapaltzen dituen sistema zein da? Nork zapaltzen ditu? Norbaitek patriarkatua izendatu du? Bai? Beno, ba hor dago koxka. Patriarkatuak mendebaldekoak zein musulmanak diren emakumeak zapaltzen dituela. “Esto es así, aquí y en la China” norbaitek zioen moduan. Emakume musulmanak patriarkatuari aurre egiten diote, emakumeen zapalkuntza sistema den heinean, eta islamaren barruan bereizketa orogandik aske izan nahi dute. Bere ohitura kulturalak alde batera utzi nahi ez dutenak dira, eta gizarte musulmanetan dauden matxismoa eta sexismoa ukatzen dute.

Patriarkatuari aurre egitea: mundu guztiko emakumeak amankomunean dugun zerbait. Eta hori da feminismoaren xedea. Feminista islamikoen helburua da patriarkatuarekin amaitzea, eta baita Coran-aren interpretazio patriarkalei aurre egitea ere. Horregaitik, eskubide berdintasun bati zuzenduak dauden irakurketak egiten dituzte, estereotipo eta fundamentalismo islamiarrarekin bukatzeko.

i?ndice

Horrela dio Hajar Samadi Bidaya EAEko emakume musulmanen elkarteko kideak Brigitte Vasallo (gehiago irakurri nahi baduzu Brigitte Vasallo-ren inguruan, hemen sakatu ) idazle eta kazetariari emandako albiste batean:

Islamaren irudi maskulinoa jasotzen dugu kanpotik. Zenbateraino da erreala irudi hori?


H. S.: Gauza bat argi utzi nahi dut: munduko emakume guztiak sistema patriarkalaren menpean gaude, musulmanak izan edo ez. Baina emakume musulmanen inguruan hitz egiten denean, arazoa beti da islama. Mendebaldean errealitatea sinplifikatu egiten da, eta erru guztia musulman matxista bizardunena da. Baina diskurtso errukior horiekin ez dugu inongo arazorik konponduko. Jakin beharko genuke zer dagoen diskurtso horien atzean, baina, horretarako, nazioarteko politika gaietan sartu beharko genuke.

Berria-ko albiste osoa irakurtzeko hemen sakatu.


Patriarkatuak emakume guztiak zapaltzen gaituen heienean… zergaitik emakume islamiarraren estereotipoa?

Mendebaldeko kuturetatik askotan, “gurea hoberena” delaren ustean gordeta, askotan, emakume islamiarren irudi estereotipatua jaso da. Bai, emakume islamiarra eskubide gabekoa, gixajoa, islam-aren esklabua, zapaldua… erakusten digun estereotipo hori. Eta zapalkuntzarekin amaitzeko modu bakarra, erlijio islamiarra alde batera uztea dela. Zapalkuntza batetik atera nahi beste zapalkuntza bat ezarriz.

Luze hitzegin genezake honi buruz… Baina estereotipoekin bukatzea oinarrizkoa da indarkeria sexista guztiei aurre egin nahi badiegu, heltzen diren lekutik, kulturatik, erlijiotik… Eta indarkeria sexista horri aurre egiten dion ekimen bat, Té-encuentro a da. Vitoria-Gasteizen burutu da zenbait alditan, eta hurrengoa larunbata honetan izango da. Estereotipoekin apurtzeko modu bikaina da.

te encuentro

Gehiago irakurri nahi baduzue guzti honi buruz… hemen utzi nahi dizkizuegu bi proposamen. Bata Itziar Zigaren “Devenir Perra” liburua. Ziga-k “Hijabs y minifaldas: tanto escándalo por tan poca tela” atalean emakum musulmanei buruz hitzegiten digu, eta honela bukatzen du kapitulua:

Juntas y revueltas


Las moras son sumisas por anudarse un hijab y nosotras somos putas por enseñar los muslos. Todas tenemos que soportar la violencia secundaria de quienes dicen defendernos. Todas tenemos que aguantar que se nos trate como a estúpidas, que se nos enfoque con una luz muy blanca, pretenciosa y estigmatizante, que see nos arrebate la propia voz con la excusa de que no sabemos lo que decimos. Todas calibramos al salir de nuestras casas cada día que, lo que llevemos o no llevemos encima de nuestros cuerpos, condicionará la tranquilidad, el rechazo o la incomodidad en neustro contacto con el mundo exterior. Todas desearíamos a veces ser invisibles.


Yo propongo desde aquí una gran manifestación de moras y cristianas, con minifaldas y hijabs, encontrarnos y mezclarnos hasta ser irreconocibles, gritar juntas: dejadnos en paz, no necesitamos vuestra amenazadora protección.


Eta bigarren proposamena da Helena Gutierrez-en “Unos baklava por favor” elebarria. Estereotipoekin amaitzeko arma ederrak baitira umorea eta ironia…

Izendatzen ez dena ez dela existitzen esan dugu zenbait alditan… Ba feminismo islamikoa existitzen da… beraz izendatu dezagun! Feminismo islamikoa ere #BeldurBarikJarrera duelako! Ezagutu ditzagun feminismo gehiago!


 

Irmo-ren Iraultza Morea abestiak zioen moduan… INDARTSUAK GARELA EZ EZAZUE AHAZTU! Eta horren seinale, Apirilaren 9an Vitoria-Gasteizen gertatutakoa izan zen. Bertan, Euskal Herriko mugimendu feministak indarkeria matxistaren kontrako manifestaziora deitu zuen “11 eraso, 12 erantzun. Feministok prest. Vuestras agresiones tendrán respuesta” lelopean.



Atxekimendu kanpaina mundiala antolatu zuten!


Milaka neska eta mutil Vitoria-Gasteizko kaleak betetzen. Izugarria izan zen egun horretan gertatu zena. Oraindik Gasteizko kaleetan zehar murgiltzen bazara, egun horretan gertatutakoaren aztarnak aurkitu ditzazkezu, bai zapi bat tarbernan aurkitzen duzulako, baita kartel baten hondarrak ikusi ditzazkezulako.


Gogoratzen al duzue pasa den urtean 2. Kategoriako lan sariduna, Leire Bereikuaren 40 golpe?



Leirek bideo honetan esan ziguna aldarrikatu egin zen ere Gasteizko kaleetan. Hain zuzen ere, indarkeria matxistak “forma, aurpegi eta kate asko dituela”, “baina indarkeri hoiei aurre egiteko adina erantzun! Pairatzen dugun indarkeria da batu gaituena, eta gorputz bakar bat bezala erantzungo dugu” entzun zen manifestazioaren amaieran.



Ecuador Etxeak egindako bideoa


Eguna ohi baino lehenago hasi zen. Goizean goiz zumbarregeatoi pixka bat egiteko tartea izan zen. Normalean hain matxista den musika berjabetuz eta letra matxista eta sexistei erantzuna emanez. Manifa hasi baino lehenango eztarria busti nahi zutenak ere aukera izan zuten Sukubo-n. Handik entzun zitezkeen batukadetako emakumeen danborrak. POM POM POM. Martxan gaude! POM POM POM. Eraso sexisten aurrean, erantzungo dugu. POM POM POM. Beldur Barik Jarrera agertuko dugu!


Topatu-k egindako bideoa


Manifestazioak bost ardatz zituen:

Esparru publikoaren jabekuntza (autodefentsa feminista-ren aldarrikapena egin zen, GAUAK, KALEAK ETA JAIAK, gureak direlako), Heteroaraua (eta zu, zergaitik zara heterosexuala? Noizbait pentsatu al duzu), arrazakeria (emakume migratzaileen egunekotasuna), kapitalismoa (“iraultza feminista, antikapitalista izan behar delako” antolatzaileen hitzetan) eta feminizidioa (erahilketa baita indarkeria matxistaren irudi bortitzena baina indarkeria mota asko daudela erakutsi zen Gasteizko kaleetan).

Kaleetan zehar aurkeztu ziren ardatz hauek, eta Andra Mari Zuriaren plazara heltzean, ardatz guztiek topo egin zuten, indarkeria matxistak aurpegi eta erpin asko dituelako. "Bortizkeria matxistak ez dira kolpeak eta hiletak soilik: arazo estrukturala da hau, sistema patriarkalaren eta kapitalistaren aurka egingo dugu¡", nabarmendu dute. Gizartea indarkeria matxistak, klasistak, homofoboak eta arrazistak egituratzen duela gogoratu dute: "Zuloz beteriko gorputz pasibo eta bortxagarriak nahi gaituzte, beldurra izan da eguneroko ogia, kontrolatzeko beldurrean hezi gaituzte".



Larunbata horretan gure #BeldurBarikJarrera agertu eta zabaldu genuen. Gureak egin genituen kaleak, gureak izan ziren hitzak, gureak han bizitako eta gainean eramango ditugun bizipenak.

Ezin hobeto deskribatu zuen Ane Labakak Klitto aldizkari digitalean:

Alu baten forma

  1. Larunbat goizaldean
    guztia da laino
    hotza ere etorri
    da Gasteizeraino
    halakorik ez nuen
    sentitu gaurdaino
    oilo azalez nator
    Virgen Blancaraino;
    moretik gehiago du
    birjinetik baino.

  2. Ekitaldian irri
    bat dut aurpegian
    askori sartu zaie
    behatza begian
    ez eremu marjinal,
    ez periferian…
    behingoz jarri direnez
    horren agerian
    inor baztertu gabe
    bazterrak erdian.

  3. Sarritan guk gorpuzten
    dugu zapalkuntza
    niri gorrotagarri
    zait diskurtso hutsa
    aniztasuna denez
    bide honen funtsa
    norbere jatorria,
    norbere gorputza…
    zeinu hizkuntzan egin
    dezagun iraultza.

  4. Oholtza gainean artez
    dituzte deforma
    kanon estetikoak
    nahiz heteronorma…
    Bakoitzaren zauriak
    ez daitezen zorna
    kantuz hautsi ditugu
    kate eta horma
    bi eskuk hartu dute
    alu baten forma.

  5. Egunez egun inork
    hitzez jipoitzean
    eraso bat jasaten
    dugun bakoitzean
    nahiz ta ahuldu horren
    mundu zikoitzean…
    buruberoki baten
    berora ohitzean,
    indartsuago nago
    astelehen goizean.


Ane Labaka. Klitto

Ihardunaldiaren jarraipena egin zuten neska talde honek. Gehiago ikusi nahi baduzue, sartu beraien webdoc-era!

 

Orain dela aste batzuk lagun batzuk musikari baten kontzertuan egon ziren. Musikaria, neska izanda eta gainera, esan dezakegu ere bere ibilbidearen abestiren bat feminista dela, bere jarrera ere askotan sistemaren kontra agertu duela, “neska batentzat suposatzen den guztia”ren kontra egiten ere noizbait ikusi dugula ere telebistan. Eta bapatean, kontzertuaren erdian, ikur feminista bat ikustean, honako hau esan zuen… “ea orain emakumeok gizonen kontra egiten dugun eta bere gainean jarri nahi garen, nire aitak zioen moduan”. Zur eta lur gelditu nintzen horrelakoa entzun nuenean. Horrelakoa bota behar FEMINISTA hitza ikustean? "Tira, oraindik lan asko egitear dago", esan nion nire buruari…


Eta horrela, pasa den urtean landutako post bat etorri zitzaidan burura. Feminismoari buruzko topikoen artean, nire “gustokoen” bat: “Ni ez naiz feminista, berdintasunaren aldekoa naiz”. Eta horrelakoak entzuten ditugunean… horrelako irudiak etortzen dira gure buruetara…


13015098_10209291117783572_1002120422339854921_n


Feminismoaren xedea bidegabekeriarik gabeko jendarte eredu bat lortzea bada… Gizonekiko genero desberdintasunei aurre egiteko emakumeek sortutako mugimendu politikoa bada… Feministok patriarkatuari aurre egiteko mugimendua bada, zapalkuntza, menderatze eta ustiapen guztiekin amaitzeko helburuarekin… Zergaitik oraindik kostatzen da norberaren burua feminista bezala definitzea?


Hona hemen antesdeeva.com web gunetik atera dugun material ederra. Test honetan hiru egoeren aurrean baietza ematen baduzu, feminista zarela ikusi dezakegu. Baina ziur gaude hiru baino gehiagoei emango diezula baietza.


01 02 03 04 12593536_753796884756771_7427472830603964274_o 12888494_753797071423419_4668137109784966982_o 12888604_753796931423433_7837209478233979514_o 12888714_753796974756762_2204521984950404500_o 12898196_753796934756766_2490095128235108644_o 12898406_753797054756754_4228647829541006092_o 12901152_753796938090099_8622326962671003728_o 12901172_753797021423424_5891113689709409659_o 12901261_753797028090090_3134424858032073549_o 12901451_753797094756750_1714513599813912595_o 12909416_753796964756763_8328736516815943186_o 12916788_753797008090092_8786420547586939239_o 12936772_753796894756770_1445197778080094039_n


Orain ikusi duzula feminista zarela, zergaitik ez hartu zure ingurugiroa feminista bihurtzeko erronka? Chimamanda Ngozi Adichie idazlearen hitzetan eta idazkietan dioen bezala DENOK FEMINISTAK IZAN BEHARKO GINAKETE. Sakatu irudian eta bere liburua irakurri ahal duzue.


Chimamanda ngozi adichie


Hona hemen Femista Ilustrada-k ematen dizkigun arrazoiak Feministak izateko (sakatu irudian):


adichie3


Eta etxekolanak bezala… hona hemen pentsatzeko, eztabaidatzeko testu bat… hurrengo batean, zure burua feminista bezala izendatzeko erreparoak badituzu, norbait feminista ez dela esaten badizu, edo berdintasunaren kontzeptuan ere izkutatzen badu bere burua… atera zaitez zu eta zure ingurugiroa armairutik!!!


Eta gogoratu feminismoak zugatik asko egin duela!


Gogoratu Rosario Henández Catalán-ek dioena bere “Feministak ez direnentzako feminismoa” liburuan:


Emakumea bazara eta…




  • Bozkatu badezakezu, eskerrak eman feminista bati.

  • Gizonen pareko soldata jasotzen baduzu lan berdina egiteagatik, eskerrak eman feminista bati.

  • Batxillergoa bukatu ondoren zure nebek ikasten jarraitzeko ikasketak utzi beharrean, “berdin du, ezkontzea da zure helburua” aitzakipean, unibertsitatera joateko aukera izan bazenuen, eskerrak eman feminista bati.

  • Edozein lanpostura aurkeztu bazaitezke, ez bakarrik “emakumeen lanetara”, eskerrak eman feminista bati.

  • Medikua abokatua, epailea… bazara, eskerrak eman feminista bati.

  • Prakak eraman baditzazkezu eskumikatu edo zure herritik kanporatua izan gabe, eskerrak eman feminista bati.

  • Zure nagusiarekin oheratzeko presioaren debekua badago, eskerrak eman feminista bati.

  • Negozio bat sortu badezakezu eta mailegua zure izenean bakarrik eskatu badezakezu, eskerrak eman feminista bati.

  • Epaiketa batean, zure defentsan lekukotasuna eman badezakezu, eskerrak eman feminista bati.

  • Zurea bakarrik den jabetza bat badaukazu, eskerrak eman feminista bati.

  • Dibortzio edo banantze baten ondoren zure seme-alaben zaintza lortzen baduzu , eskerrak eman feminista bati.

  • Zure bikotekideak erasotzen bazaitu eta poliziak zuri neskalagun hobeagoago izateko gomendioak eman beharrean atxilotzen badu, eskerrak eman feminista bati.

  • Ezkontzen zarenean zure eskubide zibilak galtzen ez badituzu zure senarraren eskubideen barnean, eskerrak eman feminista bati.

  • Ama izateko edo ez izateko nahia nahi duzunean bete badezakezu, eskerrak eman feminista bati.


Duela gutxi hitzegindako guzti honen inguruan horrelako bat zetorren: “guzti hau ez da feminista izatea… zentzuzkoa baizik” Zentzuzkoa ez al litzateke feminista izatea? Zer deritzozue? Nola izendatzen duzue zuen burua? Zergaitik ez feministak bezala askotan? Zergaitik kostatzen da hainbeste? Zer da zuentzat feminista izatea? Eta feminismoa? Horrela azaldu ziguten pasa den urtean BB Lehiaketa 2015-n Urretxutik heldu zen bideo honetan.


"Azken belaunaldietako gazteok berdintasunean hazi omen gara. Berez, nahi duguna egiteko aukera berberak ditugu neska zein mutil izan: inork ez digu ukatuko, aurpegira, zerbait egitea. Orduan, zergatik gauzak egiteko aukera desberdinak? Zein da desberdintasun horren zergaitia berdintasunean jaio bagara?"



Horrela eman genion hasiera pasa den urtean Feminismoei buruzko zenbait post-etara. Eta aurten, gure gizartearen desberdintasunak eztabaidan jarri dituen gizarte mugimendu honen inguruan arakatu, pentsatu, eztabaidatu, ezagutu, ulertzeko grinarekin jarraitzen dugu. Zuk, neska izateagatik, zenbait gauza ezin dituzula egin esaten duen gizarteak, eta zuk, mutila izateagatik ezin dituzula beste gauza batzuk egin, baina truke horretan zureak egin behar dituzun, onartu beharreko zenbait pribilegio izango dituzu. Horrela da, nik diodalako. Pribilegio hoiek (bestearengan kalteak sortzen dituztenak) berezkotzat hartzen dira mutila jaio bazara eta hain barneratuak ditugu askotan zaila egiten dela ikustea…. Patriarkatuaren apetak, lagun…

neska-mutila

Desberdintasun hoiek ezagutu eta ikusita zerbaitetaz ohartu ginen. Hain zuzen ere, feminismoaren xedea patriarkatuarekin amaitzea dela, eta hori lortzen badugu, mundu guztiarentzako berdintasunean oinarritutako gizarte bat lortuko dugu, gizarte justuago bat. Guztiontzat. Eta gure barruetan mugitzen den horrek, benetan nahi duguna, gure sistema guztia dardarka jartzen du. Ez bakarrik sistema, baita gure sinismenak, gure harremanak ere. Eta badago jendea sistemak ezarritako pribilegio hoiek bukatuko direla uste duena, eta ondorioz, bere kontra joango den zerbait bezala ikusten du feminismoa. Horrela, pasa den urteko topikoak sortzen dira. Gogoratzen dituzue? Feminismoa matxismoaren berdina dela baina alderantziz, ni ez naizela feminista, berdintasunaren aldekoa baizik… feminismoaren xedea mutilen kontra joatea dela… feminista bazara ezin zaitezkela depilatu… mutilok ez dugula zeresan edo zereginik feminismoan…



Feminismoak airean daude...

Gure baitan...

Gogoan dituzu? Zenbat aldiz entzun dituzu horrelakoak zure burua feminista bezala izendatu duzunean (mutila zein neska izan…)? Hilabete honetan topiko hoiek berrikusiko ditugu eta buelta ematen saiatuko gara… Hurrengo batean, norbait horrelakoekin badator, zenbait idei planteatu ditzazkegu… ziur pertsona hori feminista dela eta oraindik ez dakiela!

Kaleetan...

Eta laister herrietako festak ditugu. Orain inoiz baino ozenago KALEAK, GAUAK, JAIAK GUREAK DIRA! Ohikatu nahi dugu. Euskal Herriko mugimendu feministak antolatu zuen azkenengo mobilizazioa gogora ekarriko dugu berriro: Feministok Prest. 11 eraso, 12 erantzun ¡Vuestras agresiones tendrán respuesta! lelopean. Apirilaren 9an Vitoria-Gasteizen eraman zen aurrea. Baliteke jendartean elkar ikustea…


Cuadern GiC egindako WebDoc-aren aurrerapena.

Gure jendartean...

Eta feminismo bakarra, edo feminista izateko bide bakarra existitzen ez dela uste dugulako ere, ijito eta islamiar feminismoei buruz hitzegingo dugu. Berdintasunean oinarritutako gizarte hori lortzeko lan egiteko mila modu daudelako. Beldur Barik jarrera agertu behar dugu ere feminismo guztietan!

feminismo-islam

Nire ordenagailuaren aurrean...

Zenbat denbora pasatzen dugu ordenagailu, telefono mugikorra, Tablet-aren aurrean? Sare sozialetan mugitzen dena ikusi nahi dugu, bertan feministen armada bat prestatzen ari baita, feminismoa 2.0 modu batean egin nahi duena…

emoticono

Aliatuekin...

Eta ibilbide honetan mutilok ezin dugu beste alde batera begiratu gurekin zerikusirik ez duelako ustean. Zeregin haundia dugu feminismoan, ez da besteren gauza bat. Bertan parte hartu behar dugu, eraso sexisten aurrean ezin gara konplizeak izan, ezta txiste matxisten aurrean ere. Mikromatxismoen aurrean kontrako jarrera agertu behar dugu. Akabo isilik gelditzea neskatzat hartuko nautelako beldurrarekin…   Ez dudala nahi obeditu behar dudan mutilen arteko korporatibismo hori!



Gure herrietan...

Eta amaitzeko, gure web gunearen atal berri bat aurkeztu nahi dizuegu. Egia esanda, ez da berria. Baina euskaldun herriak kapa more batekin estali nahi ditugu. Beraz, Herri Moreak atala aurkeztu nahi dizuegu. Hilabetero maparen puntu ezberdinetako talde feministak aurkeztuko dizkizuegu. Eta horretarako ere, zuen laguntza behar dugu. Zuen herrian talde feminista batean parte hartzen baduzue, edota ezagutzen baduzue… esaiguzue! Zein bide dituzuen? Facebook, Twitter, edota posta elektroniko bat bidali komunikazioa@beldurbarik.org helbidera.


Hona hemen Nalua taldea, Ermuako talde bat.

Pasa den urtean planteatu genituen topiko hauei buruz zer diozue? Noizbait entzun dituzue? Nolakoa da zuen erantzuna? Zuekin feminismoak ezagutu eta ikertzen jarraitu nahi dugu. Beraz, hartu margo morea, asko baitugu margotzeko!

Eraldatu dezagun batera! Email bat jasoko duzu hileko berriak biltzen dituen boletinarekin. Izan zaitez lehena, guztiaz enteratzen!

Jarraitu gaitzazu
Sare Sozialetan!

Facebook Twitter RSS YouTube Instagram Telegram Spotify