Pentsatu, eztabaidatu eta ekin
Beldur Barik jarrerarekin!

Argibideak

Beldur Barik lehiaketara aurkezten diren lanek, aurten ere, hainbat sari jasotzeko aukera izango dute.

KATEGORIA BAKOITZEKO BI SARI: LEHEN SARIA ETA AIPAMEN BEREZIA

Hasteko, kategoria bakoitzeko bi sari izango dira. Lanak hobeto baloratu ahal izateko, parte-hartzerako bi kategoria ditugu. Lehenengo kategoria 12-17 urte bitartekoentzat da eta bigarrena 18-26 bitartekoentzat. Kategoria bakoitzeko bi sari mota banatuko dira. Batetik, 500€-ko lehen sari bana eta, bestetik, aipamen berezietarako 300€ko sariak, bai lehen kategorian, bai bigarren kategorian.

HERRIAREN SARIA

Aurten ere, nola ez, Herriaren Saria izango dugu, 300 €-koa. Sari hau bi kategorietako edozeinetan aurkeztutako lanei ematen zaien saria da eta herri bozkaketaren bidez hautatua izango da. Herri-bozkaketan parte-hartu ahal izateko, dena den, lehiaketako antolatzaileek aurretik hautatu dituztenen artean egon behar dira.

IKUS-ENTZUNEZKO EKOIZPEN ONENARI SARIA

Aurten, sari berri bat banatuko dugu aurkeztutako ikus-entzunezkoen kalitate teknikoa baloratzeko. Jaialdi horietako batetan hedatu ahal izateko, ezinbestekoa izango da lanak Creative Commons lizentzia izatea. Ikus-entzunezko ekoizpen onenaren saria Beldur Barik jarrera! mezua adierazteko kalitatezko baliabide edota kode artistikoak erabiltzen dituen lanari emango zaio (bi kategorietako edozeinetan aurkeztua). Aurrerago argitaratuko dugun post batetan azalduko dizuegu nola lortu Creative Commons lizentzia.

 

Ah! Eta gogoratu Beldur Barik Jarrera lehiaketako sarietara haututako lanek, udalerrietako Beldur Barik konkurtsoetan ere, lehiatu dezaketela!

Hurrengo ostiraleko post-ean, sari desberdinak baloratzeko eta hautatzeko erabiliko ditugun irizpideak azalduko ditugu. Ez galdu!

 

Pasa den ostiralean, irailak 12, Beldur Barik ikus-entzunezko lehiaketa abian jarri zen. Lehiaketan parte-hartu nahi al duzu? Hona hemen argibide eta gomendio batzuk:

Nortzuk hartu dezakete parte?

  • 12-26 urte izan behar dituzu.

  • Bakarka zein taldeka (elkarte bezala, ikastetxeko gela…) aurkeztu zaitezke.

  • Parte-hartzeko bi kategoria daude. Lehen kategoria 12-17 urte bitartekoentzat da eta bigarren kategoria 18-26 urte bitartekoentzat.


Zer aurkeztu daiteke?

  • Edozein motatako adierazpenak aurkeztu daitezke (abestia, istorio kontaketa …) baina beti ere, ikus-entzunezko formatuan aurkeztu beharra dago, bideo-plataforma batera esteka bat jarriz (Youtube edota Vimeo).

  • Pertsona edo talde bakoitzeko gehienez 3 proiektu aurkeztu ditzake.


 

Zeintzuk dira lanek bete behar dituzten baldintzak?

  • Proposamenak originalak izan behar dira, hau da, inori plagiatu edo kendu gabekoak. Horren susmorik badago, egiletza frogatzeko eskatu ahalko da.



  • Beste jaialdi edo lehiaketa batzuetan aurkeztutako proiektuak ezin dira hemen aurkeztu.



  • Piezak euskaraz, gaztelaniaz, bietan, edo beste hizkuntza batean aurkeztu ahal dira (azken kasu horretan, euskarazko edo gaztelaniazko azpitituluekin).



  • Proiektuek gehienez 5 minutu iraungo dute, kreditu-tituluak barne.



  • Musika erabiliz gero, egile-eskubiderik gabeko musikak erabiltzea gomendatzen dugu (copyleft lizentzia k, edo zuek sortuak direnak). Egile-eskubideak dauzkan abesti bat erabiliz gero, bideoa igo den plataformak bideoaren aurkako neurriak hartzeko arriskua bere gain hartuko du parte hartzaileak.



  • Proiektu guztiak ikus-entzunezko formatuan aurkeztu behar dira, bideo-plataforma batera esteka bat jarriz (Youtube edota Vimeo).


Nola eman izena?

  • Formulario hau bete beharra dago eta behin bidalita, erantzun automatikoa jasoko duzu, jaso dugula baieztatzeko.

  • 18 urte baino gutxiago badituzu, oinarrietako 1 eranskina erantsi beharko duzu formularioan.

  • Salbuespenak:


Taldeko lana eskola edo ikasgela gisa aurkezten bada, talde bakoitzak dokumentu bakarra aurkeztuko du (2. eranskina). Dokumentu hori betetzea ikastetxearen ardura izango da, kontuan izanik ikastetxea dela adingabekoen baimenak kudeatzearen arduraduna.


Lana elkarte edo gazteleku gisa aurkezten bada, jardueraren arduradunak jaso behar ditu baimenak eta denak batera bidali.




  • Pertsonaren edo taldearen izena, kategoria eta udalerria bideoaren barruan edota Youtube edota Vimeo plataformetako deskribapenean adierazi behar dira.


Informazio gehiagorako ikusi lehiaketaren oinarriak. Hurrengo ostiralean sarien inguruan hitz egingo dugu. Ez galdu gure post-a!

Eraldatu dezagun batera! Email bat jasoko duzu hileko berriak biltzen dituen boletinarekin. Izan zaitez lehena, guztiaz enteratzen!

Jarraitu gaitzazu
Sare Sozialetan!

Facebook Twitter RSS YouTube Instagram Telegram Spotify