Pentsatu, eztabaidatu eta ekin
Beldur Barik jarrerarekin!
[Irantzu Varela] Nire lagun batek dio, maitasunak, soilik gauza bakar bat sorrarazi beharko lukeela: ongizatea. Eta ongizateak, ongi izatea esan nahi du. Beste lagun batek dio, erraza ez dena, zaila dela. Eta badirudi gauza hauek, lagun argiek esaten dituztenak direla, eta bizitza errealean ezartzea, erraza dela.

Baina, noizbait maitemindu izan bazara jakingo duzu, lagun argi hauei kasu egitea baino gauza zailagorik ez dagoela, eta baita ere, bizitza errealean gure buruan argi dugun hori praktikan jartzea.

Urteak dira, begirada kritiko feminista batetik behatuaz, maitasun erromantikoan arreta jarri dugula. Izan ere, poztasun, plazer eta zaintza iturri izan beharko lukeena, askotan ondoeza, ezberdintasun eta indarkeria iturri bilakatzen dira. Sarri ikusten ditugu, maitasunaren izenean hasi diren harreman ugari, eta iñorri onik egiten ez dion lotura itsaskor bezala mantentzen da, baina inor ez da hau askatzera ausartzen.

Nik maitasunean sinisten dut. Errepika ezina den sentsazio horretan sinisten dut, kimika pertsonala, erakarpen sexuala, konexio mentalaren nahasketa, edo horrelako zeozer. Baina horren inguruan, eraikitzen dugun diskurtsuan ez dut sinisten, ez da ere, atxikitzen dizkiogun super botereetan eta inposatzen dizkiogun arau guztietan.

Sentsazio hau eragiten digun jende ugari dagoela uste dut. Espero dut, hau, jende askok sorraraztea gure bizitzan zehar. Ostera, ez dut sinisten, norbait maitatzen duzunean, beste inor desiratu ez dezakezunik. Ez da ere, zuretzat pertsona berezitu jakin bat egongo denik (ez da ere, momentu bakoitzean bat). Ez dut sinisten ere, inork eskubiderik duenik, zuk halakorik sentitzen duzunik, irudikatzera behartuko zaituenik.

Nik uste dut, emakumeoi, bizitza maitasunaren ginkana behar duela izan, inposatu digutela. Bizitza, maitatuko gaituen norbaiten bila igarotzen dugu; gure ondoan dagoena, gurekin geratu dadin ahalegintzen gara, bakarrik gaudela ez sentitzeko, lagun ezegoki bat baino hobeagoa bait da; bestea ordezkatuko duen horren bila, ez dagigun pentsatu iñor ez dugunik. Eta uste dut, ez dugula ikasi beste maitasunak baloratzen, lagun artekoak eta epe luzeko zaintza, (ia) betik irauten dituztenak, eta batzen gaituztenak, bihotza arintzen gaituztenak eta maitasun eza edota amaiera iristen denean, kalera ateratzen zaituztenak.

Harritzekoa da, maitasunaren izenean, izkina baten negarrez amaitzea, dei galduak ikustean sufritzea, maite dugun jendearengandik urruntzea edo iñoiz nahiko ez genukeen bezala tratatuak izatea baimentzea. Harrigarria da, maitasunaren izenean, kontrola, jazarpena, jarrera jeloskorrak, segurtasun eza, antsietatea, tristura, autonomia eza, ardura, dependentzia, zoriontasunarekin, lasaitasunarekin eta ongizatearekin nahastea. Maitasunaren erruz, askotan ez gaude ongi. Edo maitasuna den hori, maitasuna dela uste dugunagatik. Nik uste dut, ongizatea sortzen ez duenak -halaber, kontran-, ez dela maitasuna. Bakardade partekatua da, gugandik espero den horri erantzutea da, autonomiari beldurra da…edo kontrola, boterea, ezberdintasun egoera edota indarkeria.
Eta hau, sinesmen multzoa izan daiteke, dilistak bezala, ez badituzu jan nahi, bertan utzi ditzakezu. Baina hau, ez da horrela. Ez gara ari, niretzat baliagarria ez den ideia indibidual eta subjetiboen multzoez edota zuretzat baliagarri izateari buruz. Hau, ongizateak baino beldur gehiago ematen duen, bikote harremanetan dauden pertsonek esaten dutena bait da: inork ez dituela ulertzen, hori pasioa dela, edota horretaz, ea zuk zer dakizun. Maitasuna, ontzi komunikatuen jokoa izango balitz bezala, egun txarrak, liskarrak, irainak, atsekabeak, miñak, momento onekin konpentsatu ahalko balitz bezala. Baina, hau ez da horrela. Eta gure lagunek, badakite. Eta gutxien entzun nahi dituzunean, gehiagotan errepikatuko dizute.

Eta kontua da, kaleak, etxeak, tabernak, maitemindu nahi duten jendez beteta ditugula, aspergarria den zure bizitza, amaigabea den bidai batean bilakatu dezaken magia hori sentitzeko, esperoan, gogaitasunetik ateratzeko, errutinatik ateratzeko; eta sexu basatia dakarrena, manta eta pelikula, afaria kandelekin eta gauen gorputzak elkar hartuta lokartzea. Eta beste jende batek, maitasunaren izenean, negar egiten du, aspertu egiten da, errudun sentitzen da, ohe bueltan zanpatuta dabil, pelikula bukatzean ez daki zertaz jardun, eta aspaldi lagunarekin elkar helduta ez da lokartu. Maitasunaren izenean. Ez bada ere, ongizatea eragiten ez duen horretaz. Ongi egotea, den hori.
"Bukatu da. Ez naiz konplize izango". Horrela genion aspaldiko post batean. Indarkeria sexistak bere erramintak erabiltzen dituela gizarte matxista bat mantentzeko? Sorpresa! Mutilok ere gure estrategiak, gure erramintak ditugu aurre egiteko. Eta konplize ez izatea oinarrizkoa da. Kartel eder batek dioen bezala, zapalkuntzaren aurrean zure jarrera isiltasuna bada, orduan zapaltzailearekin zaude.

Hona gure Beldur Barik Jarrera!

portada

Beldur Barik Jarrera bideoak







Beldur Barik bideoak



Stop Machismo



Aldatzeko ordua da



Konplize



Eskerrik asko ezer ez esateagatik



Guk argi daukagu

Beldur Barik Jarrera

Beldur Barik?

Gola sartuko diot nitaz espero denari

Ez zaigu ezer gertatuko beti lehen lerroan ez egoteagatik eta horrela agian egunen batean denok batera egin dezakegu dantzan

Mutilak mugi gaitezen indarkeria sexistaren aurrean!

Beldur Barik Jarrera in action!

Normala

Maitasuna
Idatzi ez duzun erromantizismoaren gidoia ez interpretatu!


Roman


Ba ez (omen) da horrela


Gorputzak


Metrosexuales, chicos de gimnasio... Mutilen gaineko presio estetikoak


Miss tetas


Nire gorputzean gerra isila dagoela uste dut


Biluzik


Aske sexualitateaz gozatzeko?


Hementxe duzue boletina pdf formatuan! Jarraitu zuen Beldur Barik Jarrera zabaltzen! Maitasuna, zuen gorputzak Beldur Barik Jarrerarekin bizitzen eta gozatzen!


Mutilak Boletina 2


 

 

 

Guardar

Guardar

Guardar

Guardar

Guardar
Pasa den astean maitasuna magia potagia ez zela komentatzen egon ginen... Maitasuna eta harreman baiezkorrak nola sortzearen inguruan gurekin pentsatu eta eztabaidatu nahi? Goazen!

=Berdintasuna=

Ez, ez zaigu diskoa apurtu hitz madarikatuarekin... baina oso oso oso BENETAN OSO funtsezkoa iruditzen zaigu gogoraraztea erlazioak, mota ezberinetakoak izanda ere, berdintasunean sortzen ez badira, ez direla kalitatezkoak. Erlazioak jendea sorbalda gainetik begiratzen hasten badituzu, edo besapetik... etorkizun beltza daukazu orekari dagokionean. Batzutan aurrean duzun horrek esfortzuak egin beharko ditu. Beste batzuten zuk zeuk egin beharko dituzu esfortzuak. Beste batzuetan onartu beharko duzue asko eta asko hitz egin beharko duzuela elkar ulertu arte. Baina gogora ezazu kontrolatzeak eta kontrolatua izateak kriston kiratsa duela... Hain da polita horizontaltasuna praktikatzea! Ez ezazu daukazun boterea erabili eta ez ezazu baimendu aurrean duzunak bere boterea zure kontra erabil dezala!!!!




 

Denbora…

Denbora oso faktore garrantzitsua da erlazio positiboak sortzeko. Denbora? Bai, denbora. Lehen aipatzen genuen legez, erlazioak ERAIKI egiten dira, eta sarritan ez datoz Ikeako altzairuak bezala instrukzioekin. Nola itzultzen da hau? Ba hitz gutxitan: gauetik goizera, gauzak ez dira zuk nahi dituzun moduan izango. Adaptazio prozesu orok, denbora eta kalitatearen beharra du. Eta azpimarragarria iruditzen zaigu esatea inbertitzen duzun denbora hori kalitatezkoa ez bada, gauzak ez duela aurrera errez egingo. Zergatik? Intimitateak eta konplizitateak merezi dutelako! Ez duzu uste? Beraz...atera ezazu zure are erlojua eta mesanochean utzi badaezbada...




via GIPHY

 

Komunikazioa

Agerikoa da, ez dagoela erlazio pertsonalik hitz egiten ez bada. Eta ez dugu esan nahi, zure verborrea poltsarekin etorri eta aurrean daukazunari burutik behera botatzea denik erlazio polit bat izateko gakoa... komunikazioak burutik pasatzen zaizuna esatea esan nahi du, baina era berean, aurrean daukazunak esan behar duena entzutean datza baita. Zenbait egoera konkretutan, gerta daiteke, defentsiban jartzen garela, haserretu egiten garela edo/ta urduritasuna sartzen zaigula norbaitekin gure emozio eta sentimenduei buruz hitz egiterakoan. Berdin zaigu esaten digutena, guk entzuten duguna zera da: “zure errua da, zuk ez dituzu gauzak ongi egin, hura egin ez bazenu...”. Gertatu zaizue noizbait? Eta agian, aurrean daukagun pertsonak ez digu hori esan, baina esaten digutena eta guk ulertzen duguna ez da zertan berdina izan!!!! Beste kasu batzuetan, norbait kexuka hasten zaigunean, pentsatu gabe soluzioak eta konponbideak ematen hasten gara. Eta ez, hau ere ez da modua. Norbaiti entzumen aktiboa egitea ez da hori. Zurekin komunikatu nahi duen norbait entzuteko, polita litzateke berak dioena jasotzea, inolako auzirik egin gabe eta horri buruz komentariorik gehitu gabe. Literalitatea oso erabilgarria suerta lekizuke defentsiban jarri gabe komunikazio on bat izateko. Era berean, sistematikoki aurrean duzunari soluzioak ematea, bitxia izan daiteke, agian, berak, era kondeszendientean tratatzen duzula senti dezakelako, bera konponbideak aurkitzeko gai ez dela uste duzula pentsa dezake, alegia. Ez zaizu ideia hobea iruditzen, aurrean duzunari ea zer behar duen galdetzea??? 😉


Noski, lehen aipatu dugun asertibitatea, hau da, inolako trabarik gabe sentitzen duzuna mindu gabe aurrean duzunari azaltzea, zure lagunik onena bihurtuko da literaltasunarekin batera. Eta ez dezagun ahaztu, ez ditugula gure barrunbeak egun berean erabat hust behar... batzutan hobe da elkarrizketa laburrak izatea, denboran ez oso batera, intensitate aldetik gaiarekin erre ez zaitezten. Zergatik? Ba normalean gaietaz nazkatzen garenean, gero ez ditugu berriz ere aipatu nahi, eta honek zailtasunak ekarriko dizkizue.




via GIPHY

 

Gogoak

Ez, hau ez da Esne Beltzaren kanta. Kontatu dizugun guztia oso erabilgarria suertatu daiteke erlazio baizkor eta politak izateko... baina benetan erlazio osasuntsu bat izateko GOGOAK izatea da premiazkoena. Zuk berdintasunean oinarritutako erlazio bat eraiki nahi izanez gero, progresiboki pazientziarekin, komunikazioz josia... hori zure helburua izatekotan GOGOAK izatea futsezkoa da. Gogotsu egoteak, zuen buruei xede berriak jartzea ekarriko du, autokritika, izandako jarrerak hausnartzea... ez duzue Disneyk proposatzen duen erlazioa izango, ezta zure familiak buruan duen bikote ideala ezta, baizik eta zuek zuen neurrira sortutako zerbait, zuentzat aproposa dena eta pozten zaituztena Hortaz, ez ezazu gezurrik onartu: maitasuna ez da bukatzen, guk metamorfoseatu egiten dela sinesten dugu... erlazioak ez dira bukatzen pertsona berriak agertzen direlako, jakin badakigulako maitasun eredu anitzak existitzen direla, non hainbat erlaziok beren lekua izan dezaketen pertsona ororen zaintza alde batera utzi gabe... Norbaitek erlazio bat bukatzeko aitzakiaren bat aurkitu nahi duenean txorakeriak esango ditu ziur asko, gogorra egiten zaiolako zure aurpegira esatea zurekin jarraitzeko GOGOAK agortu zaizkiola, baina Lagun maitea, hala da. Beraz, erlazio osasuntsu, positibo eta polit bat eduki nahi izatekotan: IZANGO DUZU!!!!


Irailari agur esaten diogu post honekin. Nola bizi duzu zuk maitasuna? Nolakoak dira harreman positibo hoiek sortzeko saiakerak eta lorpenak? Ideia bat botatzera goaz... Kamara hartu eta zure bizipenak maitasunean bideo batean grabatu eta #BBLehiaketa2017 ra aurkeztu! Datorren hilabetean gorputzei buruz hitzegingo dugu. Nola bizi ditugu gure gorputzak? Gorputzen aniztasuna aldarrikatzera goaz ere! Gurekin zure Beldur Barik Jarrera zabaldu nahi? Let's go!


Guardar

Guardar

Lagun maitea, heldu da garaia: HITZ EGIN BEHAR DUGU. Eta bai, esaldi klitxeekin hasiko gara: EZ ZARA ZU, SISTEMA DA. Honezkero, argi daukagu sistema, pasito a pasito suave suavesito, bikoteak sortzera garamatzala inongo disimulorik gabe. Begiratzen duzun leku guztietan, zure inguruan dagoen guztia bikoteetan eta familia nuklearretan oinarritzen da. Baaaaaina guk ehun post inguru daramagu norberaren autonomiaren inguruan lanean eta teorizatzen, badakigulako betidanik esan dena egia dela: hobeto bikoterik gabe, bikote okerrarekin baino. Zer esan nahi du honek? Hurbilen daukagun kisketedun komunean sartu behar garela? Ba ez gara gu azaleko sozializazio hutsaren lagunak, baina gau ta egun Juego de Tronos isolatua etxean ikusten egotea ere... inorekin erlazionatu gabe... ez, eeeez?! Ze, oye, diñot nik, gertatu daitekela , momenturen batean, norbait interesgarria ezagutzea... eta kontuz! Guk ez ditugu erlazioak jerarkizatzen, EZTA INOLAZ ERE, badakigulako pertsona interesgarri berri honek ez dituela eklipsatuko zure beste erlazio zoragarriak: zure ahizaparekin daukazuna, zure lagun minarekin, zure bikote ohiarekin, zure amamarekin, zure kuadrillarekin... baina izan gaitezen errealistak... mimosin baten moduan erlazionatzeak noizean behin bere xarma ere badauka, ez??? Claro que sí, guapi! Horrexegatik, gaurko aste honetan, erlazio personal baiezkor eta positiboak nola sortu hausnartuko dugu. Zer deritzozu???? Gogoko duzu!!??? Ba goazeeeen!!!


Abrakadabra!?

Ados, bai, agian kriston txorakeria dirudi jendeak behin eta berriz errepikatzen duen mantra patetikoa... baina nahiz eta jendeak eslogan kutre hau erabili gau eta egun, horrek ez du egi bihurtzen. Ez, lagun maitea “gutxien espero duzunean maitasuna agertuko zaizu” esaldiak ez dauka ez hankarik, ez bururik ez zentzurik. Zergatik? Maitasuna ez delako magia potagia. Hots, hasteko maitasun asko daudela badakigu, eta ez dugu batere gogoko maitasun erromantikoa zure lagunei, amamari edo txakurrei diezun maitasunaren gainetik jartzea. Gauzak ezberdinak direnean, zergatik kontzeptuak nahastu eta ranking-ekin hasi? Zure ingurunera begiratu eta pentsa ezazu ea zenbat aldiz izan dituzun sesioak hurrenen duzun pertsonarekin. Zenbat mobida izan dituzue? Eta benetan uste duzu MAITASUNA deitzen dugun hori, letra larriz idatzia gainera, zure etxeko atetik sartuko dela ekipamendu perfektuarekin nahi duzun guztia eta gehiago izanda? Mmmm... barkatu, baina nire bihotzeko pena guztiarekin... ez. Baina posible dena, zera da: atsegina egiten zaizun pertsona bat ezagutzea, denbora elkarrekin pasatzea gogoko izatea, berarekin ongi pasatzea, elkarri ulertzen diozuela sentitu eta last but not least, erakargarritasun fisikoa izatea. Beno, egia esam, agian, zerrenda honetatik asko jota bi puntu betetzen dituen norbait ezagutzen baduzu, ongi goaz!! Maitasuna eta erlazioak ERAIKI egiten dira, eta ez, berriz diogu ez direla “gutzien espero duzuenean” alfonbra azpian agertzen...



Hurrrengo post-ean honi buruz hitzegiten jarraituko dugu! Nola sortzen ditugu harremanak? Nola bizi maitasuna Beldur Barik Jarrerarekin?

Bakarrik sentitzen naiz maitasunaren aurrean, erabat babesgabe. Maitasunak gainditu egiten nau, maitasuna agertzen denean oso txikia sentitzen naiz eta ez da, pentsatu dezakezuen bezala, ez dudalako jakiten zer egin. Guztiz kontrakoa: beldurtzen nauena zera da, badakidala une bakoitzean zer egin behar dudan. Zergatik nire bizitzako beste kontu batzuekin ez daukat ideia izpirik ere zer egin behar dudan eta honekin, danba!, oso garbi, garbiegi dut.


Maitasuna agertzen denean pasioz bizi behar (omen) dut. Mutila izanik, neskekiko maitasuna pasioz eta mutilekikoa lotsaz bizi behar (omen) dut. Lagunekiko maitasuna ez (omen) da maitasuna, noski, beste gauza bat (omen) da; maitasuna (omen) da jende guztiarentzat hain misteriotsua, hain azaldu-ezina eta aldi berean munduaren epizentroa. Ba nik aspaldi utzi nion sinisteari hain gauza misteriotsu eta azaltzen ezinezkoak nire bizitzaren zentroa izan behar zirela. Inork ez daki zer demontre den maitasuna, baina gero “denok maitemindu behar dugu, “ez gara ezer maitemindu arte”, “ikusiko duzu gertatzen zaizunean”... Nik uste hemen tranpa dagoela.


Noski nahi  dudala jendea maitatu, jende asko maite dut gainera, baina horrek ez du esan nahi sinetsi behar dudanik maitasunaren pakete osoa. Egun batetik bestera maitemindu behar dudala. Ba ez. Maite dudan jendea beste jende batekin ondo konpontzen bada gaizki sentitu eta haserretu behar dudala. Ba ez. Norbait maite badut normala dela batzuetan nire burua ez kontrolatzea eta bestea nahi ez duen zerbait egitera bultzatzea. Ba ez. Maite badut norbait berarekin uneoro egon nahi dudala. Ba ez. Maite dudan pertsona babestu behar dudala munduko gaitz guztietatik bere bizkartzaina izango banintz bezala. Ba ez. Norbait maitatzeak eskubidea ematen didala uneoro non, zertan eta norekin dabilen jakiteko. Ba ez. Jarraitu nezake baina “ba ez” larregi jarri ditut testu honetan.


Ez ditut nahi gauzak argi izan, ez eta maitasunak “itsutzen” (oh!) nauen uneetan ere. Nire buruari, parekoari, parekoei eta inguruari begiratu eta pentsatzeko eta sentitzeko gaitasuna izan nahi dut. Maitasunari begiratu nahi diot ez burutik behera erortzen zaigun ur baldekada bezala baizik eta egunez egun betetzen eta husten goazen ur erreserba bezala, bere korronte eta olatuekin, noski.



via GIPHY


Guardar


Guardar


Guardar


Guardar

Eraldatu dezagun batera! Email bat jasoko duzu hileko berriak biltzen dituen boletinarekin. Izan zaitez lehena, guztiaz enteratzen!

Jarraitu gaitzazu
Sare Sozialetan!

Facebook Twitter RSS YouTube Instagram Telegram Spotify