Pentsatu, eztabaidatu eta ekin
Beldur Barik jarrerarekin!

MUTILAKB2


Berdintasunaren bide honetan mutilok ere erantzunkizun haundia dugu. Amaitu da beste aldera begiratzearen kontu hori, edo "nik zer egingo dut ba?", edo "ni ez naiz matxista baina..." egiturarekin hasten diren esaldiak. Indarkeria sexistarik gabeko gizarte bat nahi dugu, aniztasunean oinarritutako gizarte bat,  eta lortze nahi horretan, guztiok dugu gure eginkizuna. Pantxoa eta Peioren abestian dioten bezala Aupa gizona, jeiki mutil atzar emazte ta neskatil... (nola amaituko du post honek horrelako hasiera batekin, izango da zuen galdera... emakume beharrean emazte, neskatila esatean infantilizazioa...), goazen guztion artean, guztiok batera, indarkeria sexistarik gabeko gizartea lortzera, goazen gure gizartea, gure etxea, gure bizimodua Beldur Barik Gunea bihurtzera.


Eta, esan bezala, mutilok erantzunkizun haundia dugu. Urteetan ere Beldur Barik Jarrea agertu dugu, eta garatzen jarraitzeko, hemen ditugu publikatu ditugun post-ak hurrengo monografikoen inguruan: Feminismoa, sexu aniztasuna eta ligoteo sanoa.


Ready? Let's go!


FEMINISMOA

Zer egin zidaten niri feministek

SEXU ANIZTASUNA

Nor gara gu? Zer gara gu?

LIGOTEO SANOA

Ez da txantxa

BESTE POST BATZUK

Guretzako ere bada, gurea ziur aski ez

Ligatzera aterako naiz

Defenda nazazu gutxiago, entzun nazazu gehiago

¿Y si no me apetece ligar? Mutil ehiztariaren estereotipoa

BIDEOAK









 

Hementxe duzue boletina pdf formatuan ere deskargatzeko! Sakatu irudian!

 

MutilakB1

 

 

Guardar

Guardar

Guardar

Gogoan dut oraindik armairutik atera gabe, nire buruari nire benetako izaera ia esan gabe, pelikula edo telesailen bat ikustean pertsonai homosexual bat agertzen zenean... Matematiketako eragiketetan ez naiz inoiz oso trebea izan baina nire inguruan homosexualak egon bazeuden, beraz ezagutzen nuen jendearen ehuneko x izanik, nolatan izan zitekeen pelikula edo telesailetan agertzen ziren pertsonai homosexualak (beste gauza bat da aktore batek homosexuala dela esatea... baina hau beste kontu bat da...) ehuneko x horretara ez ailegatzea... ni por el forro... Baina esan bezala, ez naiz matematiketan oso trebea...


Eta egia da lesbiana, homosexual edo trans pertsona bat (beste identitate sexual “berriak” agertzen joango dira, hori fijo! Honek bere denbora behar du. Ziurrenik genderlexx, pansexual, asexual eta demisexual identitateak betidanik egon dira, baina lagunok, gure egunerokotasunean ikusgarritasuna izatea beste kontu bat da) agertzen denean, askotan, erabat estereotipatua dagoela. Honen ildoan, El diario eta Pikara Magazineko albiste hau gomendatu nahi dizuegu. Sakatu hemen albiste osoa irakurtzeko.


Egia da pertsonai homosexualak, trans-ak, lesbianoak oso planoak direla. Egia da. Ikusgarritasuna lehenengo pausu bat dela, baina LGTBIQ siglen “barruan” gauden pertsona guztiok ez ditugu desio berdinak, ez dugu pluma berdina... zorionez ez garelako berdinak. Beraz, irudikatzen bagaituzue...behintzat aniztasunean irudikatu, errealitatera gerturatu nahi baldin baduzue noski!


Zenbait pelikula eta telesail gomendatu nahi dizkizuegu. Gustatu zaizkigulako, Beldur Barik Jarrera dutelako, eta gure miseriak agertu nahi ditugulako, bale, denok bezala, baina baita ere gure poztasuna, gure aliantzak, gure desioak!


Gure boletina ezagutzen duzue, hortxe dituzue sexu aniztasuna jorratzen dituzten pelikula batzuk (sakatu hemen boletina deskargatzeko). Hementxe dituzue gehiago. La Mare, Tam Tam eta Eva Sierra-k abesten duten kantuak esaten duten bezala... “Ten cuidado que se cuelan...”


Sense8.


Bizitza bizi nahi duten pertsonaiak. Identitate sexual ezberdinak (lesbianak, gayak, transexualitatea, pansexualitatea...), arraza ezberdinak, lurralde ezberdinak, bizitza maila ezberdinak... Hain ezberdinak diren pertsonak (guztiok ezberdinak garelako) baina harreman estua duten pertsonak. Ikusi ez baduzue... zeren esperoan zaudete?



When we rise


“Guzti hau pentsatzen duzutena baina askoz haundiagoa da. Zuek guztiok batu behar zarete, guztion arazoa delako hau”. Ezaguna egiten zaizue? Mugimendu feministak esandakoa izan zitekeeen, baina oraingo honetan Whoopi Goldberg-ek esaten du LGTBIQ mugimenduaren inguruan.


Sexu aniztasunaren aldeko aktibismoa ezagutzeko aukera ematen digu telesail honek. Stonewall-eko istiluetatik gay ezkontzetara. Harvey Milk. Ikusgarritasuna. Borroka. GIB/Hiesa.



Transparent


Jill Soloway-ren speech-a Emmy saria jaso zuenenan gogoan izango duzue. “Patriarkatua boteretik kendu, bota! Topple the patriarchy! Horrelako diskurtsoak entzutean, Facebook-eko atsegin dut botoia ez da nahikoa gure pozgarritasuna aurkezteko. Egia da telesail honek kritikatu daitezkeen gauzak dituela, bale. Baina aitak genero transizio bati ekiten dio, bere bi ahizpak, istorioaren momentu desberdinetan, heteroarauarekin mozten dute... beno, ez dago batere gaizki, ez?



Beste askori buruz hitzegin genezake... eta ez dugu joan nahi hurrengoak aipatu gabe.


Orange is the new black


OITNB


Black Mirror-San Junipero



Hona hemen max mix dibertigarri hau.



80 egunean



Baina orain zuen txanda da. Zeintzuk gehiago ezagutzen dituzue?


Ekainari agur esaten diogu. Baina ez sexu aniztasunaren aldeko bure Beldur Barik Jarrerari! Honek urte osoan gurekin jarraituko du! See you next month!


Guardar


Guardar

Guardar

Guardar

Kalera ateratzeko gogoak ditugu. Heteropatriarkatuari aurrenez aurre begiratzen diogu egunero, ez dugu zertan oso urrun joan beharrik. Egunero eskolara, institutu, unibertsitate edo lanerako bidean hortxe dago heteropatriarkatua nire zai. Eta baita ere askotan etxean bertan... Buf! Ea neskalaguna edo mutil-laguna (imajinatu dezakezute nori dagokion zer edo nor) dudan, ea zain dudan, ea piura hauekin nora noan, kalean entzun beharreko piropoak edo irainak... Ez dira gutxi egun hauetan gertatu diren erasoak. Eraso fisikoak. Eraso berbalak. Eraso sutilak. Mikrotranslesbohomobifobiak. Beno, ba jakin dezazuen ez garela geldirik geratuko. Erasoen aurrean, heteropatriarkatuaren aurrean... gure erantzunik ozenena! Erantzun kolektiboa!


Hona hemen LGTBIQ Nazioarteko Harrotasun eguna, Sexu Askapenerako Nazioarteko eguna... ospatu, pentsatu, gozatu, eztabaidatu eta aldarrikatzeko hitzorduak!


BERGARA



Nire identitatea ez dago hanka tartean! Transfobiarik ez! lelopean aurten Bergaran aldarrikapena egingo dute. 19:30ean San Martin Plazatik aterata. Martxa ez da manifestazioarekin amaituko. Gero Dj jaia egongo baita Pol-Pol tabernan!

SANTURTZI

Santurtzi

EIBAREibar2

Eibar

ANDOAIN

Andoain

BASAURI

Ekainak 28 Junio YESWEFUCK

BILBAO

Bilbao

VITORIA-GASTEIZ

VG

DONOSTIA

DONOSTIA

SESTAO

sestao

ERMUA

ermua

LEKEITIO

lekeitio

Beldur Barik Jarrera kaleetan, herrietan, hirietan! Heteroaraua apurtu! Sexu askatasunaren alde! Zure sexualitatea nahi duzun moduan bizi! Beldur Barik Jarrerarekin bizi zure sexualitatea! Aske bizi!


Guardar

Guardar

Guardar

Guardar

Guardar

Guardar

Guardar

Guardar

Guardar

Oraindik ekainean gaude, baina baliteke iadanik, Beldur Barik Lehiaketa 2017ra aurkeztu behar duzuen bideoan pentsatzen egotea... Zeri buruzko bideoa egingo dut? Indarkeria sexista, gizarte matxista honen tentakuluak hain dira luzeak gizarte eta bizitzaren esparru guztietara heltzen direla. Nire gorputza nolakoa izan behar duen ezartzen didatenean, nolakoak nire desioak, halakoak nire harremanak afektibo-sexualak... Norekin den normala ligatzea eta enroilatzea eta norekin ez. Normaltasuna berriro ere, arauak eta arauak. Heteroarauak. Ondo dakigu zertaz ari garen, ez?


Eta lelo batek (oso gaizki hartzen dut normala ematea) dioen moduan... Urtero zuen lanekin normalak, edo heteronormalak, izateari uko egiten diogula ikusten eta ikasten dugu, oihukatu nahi dugu, zabaldu nahi dugu!


Hona hemen sexu aniztasunaren inguruko zenbait bideo. Zuen pentsamenduak, zuen hausnarketak, zuen ekintzak sexu aniztasunari dagokionez. Zuen Beldur Barik Jarrera!



Errausmin

Ipuinei buelta ematea gustatzen zaigu. Errausmin, beti esperoan, beti ahizpak hobeto tratatuko dutelakoan, beti printzipea aurkituko duen esperoan... Bizitza hobeago baten esperoan, horrela etortzen da Euskadira. Eta aurkitzen duen egoera ez zaigu ezezaguna egiten. Beste egun batean sartu gaitezke honetan... Printzipe urdina aurkitu, eta printzipea Errausminetaz maitemintzen da... Nola uko egin printzipeari? Tira... ba hementxe dago Errausminen erantzuna: Zure arrebarekin noa. Hor konpon Printzipe cañón!



Zertan desberdindu

Google ireki, homosexualitatea bilatzailean sartu. Zer da ateratzen dena? Sendatu daitekeen gaixotasuna, estereotipoak... Homosexualak edo heterosexualak izanik gure barruan ditugun galderak... Zergaitik gara heterosexualak lehenetsiz eta ez norberaren erabakiz? Izan gaitezen geure buruaren jabe!



STOP Lesbofobia


Guztiok heterosexualak garela pentsatzearen ondorioak baino gehiago. Mutila izanda, gustatzen zaigun neska lesbiana dela jakitean, nazka sentitzea, horren kontra egitea... Baina ez al da erreza? Neska batzuk mutilak gustokoak dituzte, beste batzuk neskak, beste batzuk paso egiten dute, beste batzuk neskak eta mutilak, beste batzuk pansexualak dira... Hainbeste aukera ditugu! Bat hartu nahi badugu, primeran, eta bat baino gehiago hartzea ez dago txarto ere ez!



Familia guztiak berdinak dira

Hainbat familia eredu daude... Familiak dauden adina! Garrantzitsuena maitatzea da, aurreritziak ahaztuta! Familia guztiak berdinak dira, beraien desberdintasunekin! Imajinatzen duzu guztiok berdinak izango bagina? Zelako aspertasuna!



BB2016_AUSARTU, BELDUR BARIK!

 Zergaitik ere epaitzen dugu jendea ezagutu gabe? Zergaitik ez gara beste pertsonen azalean jartzen? Zergaitik sexu aukera batzuk ontzat,naturaltzat, normaltzat hartzen ditugu eta beste batzuk ez?



STOP LESBOFOBIA!

Eraso lesbofoboen aurrean, Beldur Barik Jarrera! Hona hemen erantzun kolektiboa! Erasoen aurrean, erantzunkizuna denona da!

Sexu aniztasuna askatasunean bizitzea Beldur Barik Jarrera da. Eraso translesbohomofobiko baten aurrean erantzutea, nire erantzunkizuna hartzea, konplize ez izatea, Beldur Barik Jarrera izatea da. Gure web gunean sexu aniztasunari buruzko bideo gehiago aurkitu dituzu (sakatu hemen). Gogora ekarri nahi dugu berriro ere Inondik Inora bideoaren zati bat. Duela gutxi proiektua Verkamin aurkeztu zutela komentatu genizuen. Ba helburua lortu dute eta lanean jarriko dira! Zorionak! Bitartean, hona hemen beraien lana!



Datorren astean Ekainak 28 izango da, Sexu Askapenerako Nazioarteko eguna, LGTBIQ Nazioarteko eguna... eta Euskadin ditugun ekitaldien berri emango dizuegu!

Gora sexu aniztasuna eta gora gure Beldur Barik Jarrera!


Nire lagun eta gertukoekin mutilak gustatzen zitzaizkidala komentatzen hasi nintzenetik ematen du dena dagoela horren bueltan biraka. Are gehiago, ematen du nire bizitzan dudan arazo bakarra hori dela: nork daki “zure kontu hori”? Kontatu diezu lagun denei? Zure familiako denek dakite? Zure amamak imaginatzen du agian baina ez diozu ezer esango zer bera bai agian disgustatuko dela eta asko maite duzu?


Nire inguruko mutil gehienek, neskak gustuko dituzten (edo omen dituzten) horiek, ez dute halako arazorik, hala ematen du. Ustez normalak diren mutil horiek, hain ondo kokatuak daudenak, hain guapitoak haiek (haietakoren bat gustatzen zait, baina soilik apur bat, soilik apurtxo bat), hain ziur guztiaz, eta gainera inork ez die galdetzen ea jendeak badakien “beraien kontu hori”. Seguru badituztela haiek ere “kontuak”.


Nik behintzat baditut nire kontuak, eta ez dira gutxi. Jendeak pentsatzen du gay izatea dela zure burua onartzea eta listo, hortik aurrera dena ondo doala. Ba ez, lagunok. Horren ostean, beste edozeinek bezala, sexuaren eta maitasunaren inguruko beldur eta zalantza denak datoz, eta gainera gure kasuan, aukera gutxi dago galdetzeko, apenas inoiz esplikatu dizute ezer: nola izan harreman seguruak? Esplikatu ziguten behin klasean, baina dena zegoen esplikatua neska/mutil harremanei begira. Gustatuko al zait sexua? Gogo handiak ditudan arren askotan ematen du dena mingarria eta zakarra izango dela. Topatuko al dut gustuko nauen inor? Bat gustatzen zaidan bakoitzean neskak gustatzen zaizkio! Nire adineko jenderik ba al dago ambienteko lekuetan ala sartzen naizenean gizon nagusi piloa izango ditut begira eta besterik ez? Eta nagusiago bat gustatzen bazait?


Jarraitu nezake, baina ez zaituztet galderekin aspertu nahi. Momentuz erantzun bakarra aurkitu dut: beldur barik aritzea, lagunekin hitz egitea nire kontuez, ahal dudanetan galdetzea, gertuan edo elkartean (informazio asko duten elkarte ugari daude! Gure web guneko Antolatu sailean -sakatu hemen ikusteko- batzuk daude, baina gehiago ezagutzen badituzu, bidali email bat komunikazioa@beldurbarik.org helbide elektronikora!), nire burua maitatzea eta besteekin elkartzea zarata egiteko, kexatzeko, ondo pasatzeko, maitatzeko.


Nire arazoa ez naiz ni, mundua da. Ba aldatu dezagun mundua elkarrekin.

Eraldatu dezagun batera! Email bat jasoko duzu hileko berriak biltzen dituen boletinarekin. Izan zaitez lehena, guztiaz enteratzen!

Jarraitu gaitzazu
Sare Sozialetan!

Facebook Twitter RSS YouTube Instagram Telegram Spotify